खिमराज चालिसे, चंडिगढ ।
भारतको चंडिगढबाट एक नेपाली बेपत्ता भएका छन् । चंडिगढ नजिकको कांशल गाउँमा आइतवार औषधि लिन भनी गएका हुमबहादुर पल्लीमगर परिवारको सम्पर्कमा नआई बेपत्ता भएको परिवारले जनाएको छ।
सामान्य बिमार अवस्थामा भएका ५७ वर्षीय हुमबहादुर आतबार साँझ ४:३० बजे औषधि लिन डाक्टरकोमा जान्छु भनि साइकल लिएर हिँडेको तर रातिसम्म पनि घर नपुगेपछि खोज तलास शुरु गरिएको परिवारले बताएको छ।
खोजतलासका क्रममा हुमबहादुर आइतबार साँझ ५ बजे चंडिगढ नजिकको कांशल गाउँस्थित एक डाक्टरको क्लिनिकमा पुग्दा जरो १०२ डिग्री र ब्लडप्रेसर पनि बढेको औषधि लिएर साइकलमा फर्किएको जानकारी आए पनि उनि अझै परिवारको सम्पर्कमा पुगेका छैनन् ।
अर्घाखाँची जिल्लाको पाणिनी गाउँपालिका –१ पणेनाका हुमबहादुर चंडिगढ सेक्टर ९ मा कार्यरत छन् ।
गहुँगोरो वर्ण, ५ फुट उचाई भएका उनी भेटिएमा नजिकको मूल प्रवाहको कार्यालय वा मिना पल्लीमगर +९१–७६२६९३७५१४ र +९१–८२८३९०३८८५ मा खबर गरिदिन अनुरोध गरिएको छ।
