काठमाडौं । राष्ट्रिय सभाका सांसद राजेश विकले पुष्पकमल दाहाल प्रचण्डले प्रधानमन्त्री पदको लागि प्रतिगामीहरुसँग साँठगाँठ गरेको आरोप लगाउनुभएको छ ।
प्रतिशील पत्रकार संघ, नेपालले काठमाडौंमा आयोजना गरेको कार्यक्रममा बोल्दै नेता विकले प्रतिगमनको खतरा अहिले झन् बढेको भन्दै नेकपा (एमाले) का अध्यक्ष केपी ओली, राप्रपा र भारत नेपालमा हिन्दु राज्य र राजा फर्काउने प्रयत्नमा रहेको बताउनुभयो ।
‘अहिले प्रतिगमनको खतरा झन् बढेको छ । ओली, राप्रपा र भारतको मोदी सरकार नेपालमा हिन्दु राज्य र राजतन्त्र पुनर्स्थापना गर्ने प्रयासमा छन्’ विकले भन्नुभयो, ‘अहिले प्रचण्डसमेत पदको लागि प्रतिगामीसँग साँठसाँठ गर्न पुगेका छन् ।’
सांसद विकले राष्ट्रियता खतरामा पर्दै गएकोतर्फ सचेत हुनुपर्ने बताउनुभयो । उहाँले संसदमा अमेरिकी साम्राज्यवादले आफ्ना कठपुतली खडा गरेको आरोप पनि लगाउनुभयो ।
‘पहिला भारतले मात्रै आफ्नो पक्षमा काम गर्ने दल खडा गर्ने गर्थ्यो । अहिले त अमेरिकाले पनि कठपुतली खडा गरेको छ’ सांसद विकले भन्नुभयो, ‘यसले गर्दा चीनले पनि नेपालमाथि चासो र प्रभाव बढाउँदै लगेको छ । नेपालको संसद भारती, अमेरिकी र चिनियाँ साम्राज्यवादी प्रतिस्पर्धा गर्ने अखडा बनेको छ ।’
उहाँले ठूला भनिने दलहरु पदको लागि राष्ट्रियतामाथिको सौदाबाजी गर्न एकै ठाउँमा पुग्ने गरेको पनि स्मरण गर्नुभयो ।
विगतमा एमसीसी, एसपीपी, नागरिकता विधेयकलगायतका राष्ट्रघाती विषय संसदमा प्रवेश गर्दा प्रतिनिधि सभामा राष्ट्रिय जनमोर्चासहित केही दलका सिमित सांसद र राष्ट्रिय सभामा आफू एक्लै परेको पनि बताउनुभयो ।
कार्यक्रममा राष्ट्रिय जनमोर्चाका पूर्वसचिव कृष्ण अधिकारीले राजनीतिमा मूल्य र सिद्धान्तहिनताले प्रसय पाइरहेका बेला राष्ट्रिय जनमोर्चा सानो संख्या भएपनि निरन्तर जनताको पक्षमा आवाज बुलन्द गरिरहेको बताउनुभयो ।
उहाँले राजनीतिक दल र नेताहरुले गतिविधि जनताले ‘लाइभ’ हेरिरहेको बताउनुभयो ।
‘नेताहरु पदको लागि कसरी अर्काको दलाली गर्छन्, घृणास्पद काम गर्छन् भन्ने कुरा जनताले ‘लाइभ’ हेरिरहेका छन्’ अधिकारीले भन्नुभयो, ‘राष्ट्रिय जनमोर्चा मात्रै आफ्ना नीति, सिद्धान्त र मूल्य मान्यताबाट विचलित भएको छैन । सानो संख्यामा भएपनि संसद र सडकबाट जनताका आवाज बोलिरहेको छ ।’
नेता अधिकारीले नेकपा (मसाल) र राष्ट्रिय जनमोर्चालाई धारेहात लगाउँदै बाहिरिएकाहरु कसैले पनि जनताको पक्षमा काम गर्न नसकेको बरु एक पछि अर्को गर्दै विभिन्न शक्तिकेन्द्रहरुको दलाली गरिरहेको पनि आरोप लगाउनुभयो ।
प्रगतिशील पत्रकार संघको राष्ट्रिय सम्मेलन चैत २४ देखि
