पोखरा । यती एयरलाइन्सको एटीआर विमान निर्माण कम्पनीले पोखरामा भएको दुर्घटनाबारे अध्ययन थालेको छ ।
आइतबार भएको यती एयरलाइन्सको एटीआर ७२ जहाज दुर्घटनाबारे अध्ययन गर्न फ्रान्सबाट टोली नेपाल आएको हो ।
नौ सदस्यीय टोलीले दुर्घटनाग्रस्त विमानको भग्नावषेशको अवलोकन गरेको छ । टोलीले उडानमा संलग्न अधिकारीहरुसँग जानकारी लिने कार्यक्रम रहेको छ।
दुर्घटनाको जानकारी ‘ब्यालक बक्स’को आधारमा हुन्छ। नेपालमा ब्ल्याक बक्स रिडिङ गर्ने मेसिन भने छैन। त्यसको अध्ययनको लागि फ्रान्स नै लैजानुपर्ने संस्कृती, पर्यटन तथा नागरिक उड्डयन मन्त्रालयका एक अधिकारीले बताए।
यता, नेपाल सरकारले पनि दुर्घटनाबारे अध्ययन गर्न एक जाँचबुझ टोली गठन गरेको छ।
आइतबारको दुर्घटनामा ७२ यात्रु रहेका थिए । ७१ जनाको मृत्यु पुष्टि भइसकेको छ भने एक जनाको खोजी कार्य जारी छ । पोस्टमार्टमपछि शव आफन्तलाई बुझाउन थालिएको छ ।
