टेकराज भुसाल, बुटवल ।
नेकपा (मसाल) र क्रान्तिकारी माओवादी लगायत नौ राजनीतिक दलले सातै प्रदेशमा आयोजना गरेको विरोध सभा अन्तर्गत माघ २४ गते बुटवलमा विशाल जनप्रदर्शनको तयारी गरिएको छ । नौ दलले एमसीसी प्रकरण र सीमा अतिक्रमण विरुद्ध सातवटै प्रदेशमा विरोध सभाको गर्दैछन ।
शुक्रबार राष्ट्रिय जनमोर्चाको कार्यालय बुटवलमा बसेको संयुक्त बैठकले २४ गते विशाल जनप्रर्दशन सहित बुटवलको ट्राफिक चोकमा बिरोध सभा सम्पन्न गर्ने निर्णय गरेको हो । जनप्रदर्शन सहितको बिरोध सभालाई शव्य एवम् भव्यरुपमा सफल पार्नका लागि चेतनाथ आचार्य, प्रेम सुवेदी, गोपालमणि गौतम, नारायण जिसी, निमकला पुन रहेको ५ सदस्यीय ब्यवस्थापन समिति गठन गरिएको राष्ट्रिय जनमोर्चाका केन्द्रीय उपाध्यक्ष तथा रुपन्देही जिल्ला अध्यक्ष बद्रे आलमले वक्तव्यमार्फत जानकारी दिनुभएको छ।
बिरोध सभामा प्रदेश ५ का १२ वटा जिल्लाबाट जनसहभागिता जुटाइनेछ।विरोध प्रदर्शनमा नेकपा (मसाल) नेकपा (क्रान्तिकारी माओवादी), राष्ट्रिय जनमोर्चा, देशभक्त जनगणतान्त्रि मोर्चा, नेकपा (माले), नेकपा (माओबादी क्रेन्द्र) र राष्ट्रिय जागरण परिषद नेपाललगायत सहभागी हुनेछन्।
