रामप्रसाद पौडेल, हैदराबाद ।
मूल प्रवाह अखिल भारत नेपाली एकता समाज मध्य दक्षिण क्षेत्रीय समितीद्वारा सञ्चालित उत्तर नगर समिति अन्तर्गत उत्तर नगर महिला विभागको प्रथम भेला सापुरनगर मा सम्पन्न भएको छ । भेलाले बिजुला शर्माको संयोजकत्वमा ३१ सदस्यीय उत्तर नगर महिला विभाग चयन गरेको छ ।
विभागको सदस्यहरूमा अम्बिका अधिकारी, जमुना थापा, माया भुजेल, सीता आचार्य, अम्बिका कार्की, कमला दास, लक्ष्मी कलावती, बलिदेवी विक, हिरा विक, शान्ति परियार, रेखा परियार, मिना विक, कमला पौडेल, सीता थापा, लक्ष्मी थापा, जमुना केसी, चन्द्रादेवी थापा, शान्ता क्षेत्री, देबु केसी, देवि थापा, यशोधा न्यौपाने, राधा थापा, लक्ष्मी केसी, जमुना पौडेल, सन्तोशी गौतम, इन्द्रा चौधरी, रितु चौधरी र खगिसरा थापा रहनु भएको छ।
भेला उद्घाटन गर्दै मूल प्रवाह मध्य दक्षिण क्षेत्रीय सदस्य पुष्पा पौडेलले महिला हक र अधिकार प्राप्तिका लागि स्वयम् महिलाहरू नै संगठित भएर लाग्नुपर्ने कुरामा जोड दिनु भयो ।
कार्यक्रमलाई सम्बोधन गर्दै मूल प्रवाहका केन्द्रीय सदस्य तथा मध्य दक्षिण क्षेत्रीय अध्यक्ष रामप्रसाद पौडेलले आमूल परिवर्तनको दिशामा अघि बढ्नको लागि राजनीतिक, सैद्धान्तिक तथा वैचारिक स्तर वृद्धि गर्दै सामाजिक व्यवहारमा जनतासँग घनिष्ट सम्बन्ध कायम गरी आन्दोलनमा अघि बढ्न आह्वान गर्नुभयो ।
भेला सफलताको शुभकामना दिने अन्य वक्ताहरुमा मूल प्रवाहका क्षेत्रीय सदस्य सूर्य बहादुर थापा, लाल बहादुर थापा, जनजाती क्षेत्रीय विभागका धन बहादुर थापा, रक्तिम क्षेत्रीय विभागकी माया थापा, मूल प्रवाह क्षेत्रीय सदस्य तथा उत्तर नगर अध्यक्ष मोहन लाल शर्मा लगायत हुनुन्थ्यो।
कार्यक्रमको सञ्चालन सीता थापा र अध्यक्षता अम्बिका अधिकारीले गर्नुभएको थियो । कमला पौडेलले स्वागत गर्नुभएको भेलामा निर्वाचित प्यानलको नमावली नगर कोषाध्यक्ष तेजेन्द्र प्रसाद शर्माले प्रस्तुत गर्नुभएको थियो ।
