शंकरप्रसाद पोखरेल, गुल्मी । राष्ट्रिय जनमोर्चा गुल्मीले फागुन महिनाभर सञ्चालन गर्ने सांगठनिक अभियानका लागि परिचालन समिति गठन गरेको छ । बिहीबार तम्घासमा सम्पन्न भेलाले जिल्ला परिचालन समितिका गठन गर्नुका साथै निर्वाचन क्षेत्र नम्बर १ र २ मा बेग्ला बेग्लै अभियान परिचालन समिति निर्माण गरिएको छ ।
जिल्ला परिचालन समितिको संयोजकमा छबिलाल सर्तुङ्गी र सदस्यहरुमा जीवन राना, टेक बहादुर केसी ओमेन्द्र कुवँर र चिन्तामणि भट्टराई रहनुभएको छ ।
त्यस्तै निर्वाचन क्षेत्र नम्बर १ मा ओमेन्द्र कुवँर इन्चार्ज रहेको ५ सदस्यीय अभियान समिति गठन गरिएको छ । जस्मा जीवन राना, टेक बहादुर केसी, तारा थापा र गुमान सिंह पुन रहनुभएको छ भने २ नम्बर क्षेत्रमा चिन्तामणि भट्टराई इन्चार्ज रहेको अर्को अभियान समिति बनाइएको छ । समितिको सदस्यहरुमा रामेश्वर खत्री ,धन बहादुर थापा, हरि न्यौपाने र छबिलाल सर्तुङी रहनुभएको छ ।
राष्ट्रिय जनमोर्चाका जिल्ला अध्यक्ष जीवन रानाको अध्यक्षतामा सम्पन्न भेलामा स्वागत मित्रलाल तरामु मगरले गर्नुभएको थियो ।
राष्ट्रिय जनमोर्चाले फागुनभर देश्वयापी एक महिने जन अभियान सञ्चालन गर्ने तयारी गरिरहेको छ । त्यसै क्रममा गुल्मीमा सम्पन्न भेलाले सांगठनिक अभियानको योजना बनाएको राजमो गुल्मीले जनाएको छ ।
