खिमराज चालिसे, चंडिगढ ।
मूल प्रवाह अखिल भारत नेपाली एकता समाजबाट मधु सापकोटा र लक्ष्मी सापकोटालाई बिदाइ गरिएको छ ।
एकता समाज रोपड नगर समितिद्वारा सञ्चालित डी एरिया समितिका सदस्य मधु र महिला नगर पूर्वअध्यक्ष लक्ष्मीलाई एक कार्यक्रमको आयोजना गरि नगर समितिले स–सम्मान बिदाइ गरेको हो ।
रोपड पंजाब थर्मल पावरबाट दिनांक ३० सेप्टेम्बर ०२२ को सेवानिवृत्त हुनु भएका मधु सापकोटा १९९० देखि मूल प्रवाहको सदस्यता लिएर निरन्तर संगठनमा क्रियाशील हुनुहुन्छ भने लक्ष्मी सापकोटा पनि महिला नगरको भूपूअध्यक्ष समेत रहनु भएको थियो । उहाँहरु दुवैजनालाई नगर समितिले स्मृति चिह्न र प्रसंशा पत्र दिएर स–सम्मान बिदाइ गरेको छ ।
उहाँरुलाई बधाई एवम् शुभकामना दिने वक्ताहरुमा मूल प्रवाहका केन्द्रीय सचिव एवम् सुदूर पश्चिमोत्तर क्षेत्रीय अध्यक्ष प्रेम सापकोटा, केन्द्रीय परिषद सदस्य छबिलाल सापकोटा, परिषद सदस्य बिलबहादुर गुरुङ, सुदूर पश्चिमोत्तर क्षेत्रीय सदस्य खगि थापा, महिला क्षेत्रीय संयोजक सिता सापकोटा, नगर समितिका लालबहादुर थापा, मन्जु थापा र प्रजापती सापकोटा लगाएत हुनुहुन्थ्यो।
नवलपरासी जिल्लाको गैँडाकोट नगरपालिका–७ निवासी सापकोटा दम्पतीको विदाइ समारोहको अध्यक्षता ओम प्रकाश सापकोटाले गर्नुभएको थियो भने सञ्चालन शिवलाल लामिछानेले गर्नुभएको थियो ।
