खिमराज चालिसे, चंडिगढ ।
रुपन्देहीका अर्जुन पोख्रेल भनिने पोस बहादुर पोख्रेल भारतको हिमाञ्चलबाट सम्पर्कविहीन भएका छन् । चंडिगढदेखि २९ अक्टुबर (१२ कात्तिक २०७९) का दिन हिमाञ्चल राज्यको बद्धी दिदी भिनाजुलाई भेट्न हिँडेका अर्जुन बद्री पुगेका तर परिवारको सम्पर्कमा नआएका आफन्तले बताएका छन् ।
रुपन्देहीको सैनामैना नगरपालिका वडा नं ६ का ३६ वर्षीय अर्जुनको मूल प्रवाह अखिल भारत नेपाली एकता समाज चण्डिगढले खोजतलास सुरु गरेको छ ।
अर्जुनकी दिदी चन्द्रकला खड्का र भिनाजु भीम बहादुर खड्काले घटनाको दिन आफूहरु स्वदेशमा भएको र अर्जुन लापत्ता भएको खबर थाहा पाएपछि हिमाञ्चल आएको बताउनुभयो । यहाँ आएर छिमेकीहरुसँग सोधपुछ गर्दा २४ अक्टुबर ०२२ को दिउँसो हिमाचञ्लको बद्धीस्थित मलपुर भुड चौकमा बिहान देखिएका उनी त्यसपछि देखिएनन् ।
मूल प्रवाहलाई आएको जानकारीका आधारमा हाम्रा सम्वाददाता खिमराज चालिसेले पिजीआई अस्पतालमा सोधपूछ गर्नुभएको थियो ।
अस्पतालले दिएको जानकारी अनुसार अर्जुन पिजीआई अस्पतालमा बेहोसी अवस्थाया २४ अक्टुबर साँझदेखि २९ अक्टुबर दिउँसोसम्म भर्ना भएका थिए । करिब ठीक भएपछि उनी दिदी भिनाजुलाई भेट्न बद्धी जान्छु भनि चंडिगढबाट हिँडेका थिए । अस्पताल स्टाप कुशल केसीले अर्जुनलाई ५०० भारु सहयोग गरी बसमा समेत बसालेको थाहा भएको छ ।
उनी भेटिएमा नजिकको मूल प्रवाहको कार्यालय अथवा बद्धीमा चन्द्रकला खड्का ९१–७०१८५५५८६१, चंडिगढमा दिनेश खड्का ०९१–८७२५०६८३४० र खिमराज चालिसे ९१–८९६८५०३०५० मा खबर गरिदिन मूल प्रवाहले आग्रह गरेको छ ।
