शिव पन्थी, प्युठान ।
नेपाल कम्युनिस्ट पार्टी (मसाल) जिल्ला समिति प्युठानले दिवंगत नेता थम्मन बुढाप्रति श्रद्धाजली अर्पण गरेको छ ।
नेकपा (मसाल) प्युठान जिल्ला सल्लाहकार थम्मन बहादुर बुढा मगर (क. झलनाथ) को निधन भएको ५औं दिनमा मसालले शोक सभाको आयोजना गरी श्रद्धाञ्जली अर्पण गरेको हो ।
शोक सभामा बोल्दै नेकपा (मसाल) जिल्ला प्रवक्ता ज्ञामुराम न्यौपानेले बुढामगरको निधनले पार्टीलाई अतुलनीय क्षति पुगेको बताउनुभयो । साथै उहाँले देखाएको बाटोमा दृढतापूर्वक अघि बढे मात्र उहाँप्रति सच्चा श्रद्धाञ्जली हुने धारणा राख्नुभयो ।
कार्यक्रममा राष्ट्रिय जनमोर्चा प्युठान जिल्ला उपाध्यक्ष इमान सिंह खड्का, मल्लरानी गाउँपालिकाका निवर्तमान अध्यक्ष तथा अखिल नेपाल जनजाति सम्मेलनका महासचिव अमरध्वज राना, राजमो जिल्ला सदस्य तथा स्वर्गद्वारी नगरपालिका उपप्रमुख मिनराज राना, जिल्ला सदस्य तथा स्वर्गद्वारी नगरपालिका वडा नं ६ का वडा अध्यक्ष गिर बहादुर गुरुङलगायत नेताहरुले शोक मन्तव व्यक्त गर्नुभयो।
राष्ट्रिय जनमोर्चा स्वर्गद्वारी नगर अध्यक्ष इन्द्र बहादुर खड्काको सभापतित्वमा भएको कार्यक्रममा थम्मन बहादुर बुढा मगरका जेठा छोरा बेगम बुढा मगरले उपस्थित सबैलाई धन्यवाद ज्ञापन गर्नुभएको थियो ।
