काठमाडौं । समानुपातिक मत गणना अन्तर्गत एक करोड भन्दा बढी मत गनेर सकिएको छ । प्रतिनिधिसभा समानुपातिकतर्फको मत गणना अन्तिम चरणमा पुगेको हो ।

यो खबर तयार पार्दासम्म १ करोड १२ हजार ४७ मत गनिसकिएको निर्वाचन आयोगले जनाएको छ।

आयोगको तथ्यांकअनुसार अहिलेसम्म नेकपा एमाले, नेपाली कांग्रेस, नेकपा माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी र जनमत पार्टीले मात्र थ्रेस होल्ड (३ लाख २० हजार मत) कटाएका छन्। नेकपा एकीकृत समाजवादी थ्रेस होल्ड कटाउने कठिन संघर्षमा छ।

यस्तै, ४० दलले पाएका १२ लाख समानुपातिक मत खेर जाने सम्भावना देखिएको छ ।

प्रत्यक्षतर्फ पनि प्रतिनिधि सभा सदस्य तथा प्रदेशसभा सदस्य निर्वाचनको नतिजा आउने क्रम अन्तिम चरणमा पुगेको छ । प्रत्यक्षतर्फ अहिलेसम्म १६१ क्षेत्रको अन्तिम मतपरिणाम आइसकेको छ भने अब ४ क्षेत्रको नजिता आउन मात्र बाँकी ।

बाँकी क्षेत्रमध्ये सुनसरी ४ मा मत गणना जारी छ भने स्याङ्जा २ र बाजुराको मत गणना हुन बाँकी छ। दोलखामा भने पुनः मतदान गराउने तयारी छ।

१६१ क्षेत्रको नजिता आउँदा नेपाली कांग्रेसले सबैभन्दा बढी ५४ सिट जितेको छ भने दोस्रोमा नेकपा एमालेले ४४ स्थानमा विजय प्राप्त गरेको छ।

माओवादी केन्द्रले १७ सिट जितेको छ भने नेकपा एकीकृत समाजवादीले १० स्थानमा मात्र जित हासिल गरेको छ।

राष्ट्रिय स्वतन्त्र पार्टी, राष्ट्रिय प्रजातन्त्र पार्टी र जनता समाजवादी पार्टीले बराबर ७/७ स्थानमा जितेका छन् भने लोकतान्त्रिक समाजवादी पार्टीले ४ सिट हात पारेको छ । नागरिक उन्मुक्ति पार्टीले ३ स्थानमा जित्दा नेपाल मजदुर किसान पार्टी, जनमत पार्टी र राष्ट्रिय जनमोर्चाले १/१ सिट जितेका छन्। स्वतन्त्र ५ सिटमा विजयी भएका छन्।

समानुपातिकतर्फ कसको कति मत ?

नेपाल कम्युनिष्ट पार्टी (एकीकृत मार्क्सवादी लेनिनवादी)
२६,९७,६६४

नेपाली काँग्रेस
२५,५५,१५९

एकल चिन्ह गोलाकारभित्र हँसिया हथौडा (नेपाल कम्युनिष्ट पार्टी (माओवादी केन्द्र)/नेपाल समाजवादी पार्टी)
११,४१,२७३

राष्ट्रिय स्वतन्त्र पार्टी
१०,९७,७८९

राष्ट्रिय प्रजातन्त्र पार्टी
५,७०,३०४

जनता समाजवादी पार्टी, नेपाल
३,९३,५९९

जनमत पार्टी
३,५४,३८५

नेपाल कम्युनिष्ट पार्टी (एकीकृत समाजवादी)
२,८२,१८९

नागरिक उन्मुक्ति पार्टी
२,४४,३४३

लोकतान्त्रिक समाजवादी पार्टी नेपाल
१,४८,५०७

नेपाल मजदुर किसान पार्टी
७३,६२९

हाम्रो नेपाली पार्टी
५३,९१०

मंगोल नेशनल अर्गनाइजेशन
४७,८०५

राष्ट्रिय जनमोर्चा
४५,७०३

नेपाल संघीय समाजवादी पार्टी
३९,७३७

नेपाल कम्युनिष्ट पार्टी(मार्क्सवादी लेनिनवादी)
२९,५७९

राष्ट्रिय जनमुक्ति पार्टी
२३,३५१

जनता प्रगतिशिल पार्टी, नेपाल
१७,७६५

एकल चिन्ह बच्चा काखमा लिएकी आमा (नेपाल आमा पार्टी/नेपाल नौलो जनवादी पार्टी/सचेत नेपाली पार्टी/नेपाल सुशासन पार्टी )
१७,६३०

संघीय लोकतान्त्रिक राष्ट्रिय मञ्च
१७,४४८

बहुजन एकता पार्टी नेपाल
१६,४९०

नेपाली काँग्रेस (बी.पी.)
११,८७१

राष्ट्रिय प्रजातन्त्र पार्टी नेपाल
११,६०९

नेपाली जनता दल
९,५१५

नेपालका लागि नेपाली पार्टी
८,०६७

नेपाल कम्युनिष्ट पार्टी
७,४७८

नेपाल कम्युनिष्ट पार्टी मार्क्सवादी (पुष्पलाल)
७,०७९

नेपाल जनता पार्टी
७,०७४

नेपाल लोकतान्त्रिक पार्टी
६,९९८

बहुजन शक्ति पार्टी
६,९३३

मितेरी पार्टी नेपाल
६,७८१

आमूल परिवर्तन मसिहा पार्टी नेपाल
६,३०६

जनजागरण पार्टी नेपाल
६,१५८

जनसमाजवादी पार्टी, नेपाल
५,६६६

एकल चिन्ह गितार (सामाजिक एकता पार्टी/नेपाल कम्युनिष्ट पार्टी (समाजवादी)/नेपाल दलित पार्टी )
५,६३६

पिछडावर्ग निषाद दलित जनजाति पार्टी
४,६००

विवेकशील साझा पार्टी
३,९०५

नेपाल कम्युनिष्ट पार्टी माओवादी समाजवादी
३,६३६

एकीकृत शक्ति नेपाल
३,३७७

राष्ट्रिय मुक्ति आन्दोलन, नेपाल
३,१८५

संघीय लोकतान्त्रिक राष्ट्रिय मञ्च (थरुहट)
३,१७१

मौलिक जरोकिलो पार्टी
३,१०२

तराई मधेश लोकतान्त्रिक पार्टी
३,०५९

नेपाल समावेशी पार्टी
२,६४९

नेपाल कम्युनिष्ट पार्टी परिवर्तन
२,०९०

नेश्‍नलिष्ट पिपल्स पार्टी
१,९६०

राष्ट्रिय नागरिक पार्टी
१,८८३