काठमाडौं । माधवकुमार नेपाल नेतृत्वको नेकपा (एकीकृत समाजवादी) राष्ट्रिय पार्टी बन्न संघर्षरत छ । उसलाई समानुपातिकतर्फ तीन प्रतिशतको थ्रेसहोल्ड कटाउन मुश्किल पर्ने देखिन्छ ।
समानुपातिकतर्फ एमाले सबैभन्दा धेरै मत ल्याएर नेकपा (एमाले) ठूलो दल बन्दा एमालेबाट फुटेर बनेको एकीकृत समाजवादी थ्रेस होल्ड कटाउन संघर्ष गरिरहेको हो । राष्ट्रिय पार्टी बन्न प्रत्यक्षतर्फ कम्तिमा एक सिट जितेर समानुपातिकतर्फ तीन प्रतिशतको थ्रेसहोल्ड कटाउनुपर्छ । सो दलले प्रत्यक्ष तर्फ भने १० स्थानमा विजय हासिल गरेको छ ।
गत ४ मंसिरमा भएको प्रतिनिधिसभा र प्रदेशसभा निर्वाचनको मतपरिणाम आउने क्रम अन्तिम चरणमा पुगेको छ । प्रत्यक्षतर्फका केही सिटको मात्र नतिजा सार्वजनिक हुन बाँकी छ भने समानुपातिकर्फको पनि मतगणना अन्तिम चरणमा पुगेको निर्वाचन आयोगले जनाएको छ।
आयोगका अनुसार हालसम्म ९६ लाख २ हजार ५७६ मत गणना भइसकेको छ । जसअनुसार नेकपा एमाले पहिलो दल बनेको छ । भने एर्ककसत समाजवादी आठौं स्थानमा छ ।
एमालेले समानुपातिकतर्फ २५ लाख ९३ हजार ४६६ मत प्राप्त गरेको छ। प्रत्यक्षतर्फ पहिलो बनेको नेपाली कांग्रेसले २४ लाख ५७ हजार ३०३ मत प्राप्त गरेको छ।
तेस्रो स्थानमा रहन नेकपा माओवादी केन्द्र र राष्ट्रिय स्वतन्त्र पार्टीको उछिनपाछिन चलिरहेको छ। पछिल्लो विवरण अुनसार राष्ट्रिय स्वतन्त्र पार्टीभन्दा नेकपा माओवादी केन्द्र २० हजार बढी मतले अघि छ।
नेकपा माओवादी केन्द्रले ११ लाख ४ हजार ८३३ मत प्राप्त गर्दा राष्ट्रिय स्वतन्त्र पार्टीले १० लाख ७४ हजार १९६ मत प्राप्त गरेको छ।
त्यस्तै, राष्ट्रिय प्रजातन्त्र पार्टी ५ लाख ५२ हजार ८७४ मतसहित पाचौं स्थानमा छ। जनता समाजवादी पार्टीले ३ लाख ५८ हजार ९२२ मत प्राप्त गरेको आयोगले जनाएको छ।
जनमत पार्टीले ३ लाख १ हजार ६२० मतसहित सातौं स्थानमा रहँदा एकीकृत समाजवाली २ लाख ६५ हजार ५४७ मत सहित आठौंं स्थानमा छ ।
समानुपातिक मत परिणाम यहाँ हेरौँ
