खिमराज चालीसे, चंडिगढ ।
भारतको हिमाञ्चल राज्यमा ६ महिनादेखि बेखर्ची भएर बिचल्लीमा परेकी नेपाली महिलालाई मूल प्रवाह अखिल भारत नेपाली एकता समाजले घर पठाएको छ ।
कर्णाली प्रदेशको जुम्ला जिल्ला कुम्डी गाउँकी उजेलीलाई मूल प्रवाह रिकांगपिओ नगर समितीले उद्धार गरि स्वदेश पठाएको हो ।
हिमाञ्चलको रिकांगपिओमा सडक मजदुरी गरि जीवन निर्वाह गरिरहेका श्रीमान राम बहादुर गत मइमा एक्कासी लापत्ता भएपछि उजेली देवी बिचल्लीमा परेकी थिइन् ।
उजेलीलाई मूल प्रवाह नगर समिति रिकांगपिओका पदाधिकारी र सदस्यहरुले आर्थिक सहयोग गरी घर पठाएका हुन् । सहयोग गर्नेहरुमा नगर समितिका उपाध्यक्ष गोपालजंग शाही, सचिव मिथुन सिंह, सहसचिव रन बहादुर, कोषाध्यक्ष निर्मल सिंह र सदस्यहरु तारा चन्द, रतन, राम, नरेन्द्र, युवराज, ब्रिजेश रावत र मनीश मल्होत्राले प्रतिव्यक्ति रु ८०० रुपैयाँ सहयोग गर्नुभएको छ ।
यस्तै, ओम प्रकाश र राजेश शर्माले प्रतिव्यक्ति ९६०, धनिराम डांगी, दिपक र आइतेरामल प्रतिव्यक्ति ३२० रुपैयाँ तथा भारतीय नागरिक अमिन चन्द नेगले १६०० रुपैयाँ सहयोग गर्नुभएको हो ।
संकलित नेरु १२ हजार ८०० रुपैयाँ प्रदान गरी उजेलीलाई स्वदेश पठाइएको मूल प्रवाहले जनाएको छ ।
उजेली देवी नेपालमा कर्णाली प्रदेशको जुम्ला जिल्ला कुम्डी गाउ निवासी रहेको नगर सचिव मिथुन सिंहले बताउनु भएको छ ।
