काठमाडौं । नेपालले युएईविरुद्धको एक दिवसीय सिरिज जितेको छ । तीन खेलको एक दिवसीय सिरिज अन्तर्गत शुक्रबार भएको अन्तिम खेल नेपालले २–१ ले आफ्नो पक्षमा पारेको हो । युएईलाई ६ विकेटले पराजित गरेको हो ।
नेपालले पहिलो खेल ८४ रनले गुमाएको थियो। दोस्रो खेलमा ३ विकेटले जित हात पार्दै सिरिज बराबरी गरेको थियो ।
युएईले दिएको १७७ रनको लक्ष्य नेपालले ४०.१ ओभरमा ४ विकेट गुमाउँदै भेट्टायो ।
दोस्रो विकेटका लागि आरिफ शेख र ज्ञानेन्द्र मल्लले १२२ रनको साझेदारी गर्दै नेपाललाई जित उन्मुख गराएका थिए ।
ज्ञानेन्द्र मल्ल ६४ रन बनाउँदा एलबीडब्लु धरापमा परे। ७३ बलको बलको सामना गरेका मल्लले ७ चौका र ३ छक्का हाने । रोहित पौडेल १० रनमा रन आउट भए। ओपनर अर्जुन साउद ९ रनमा क्याच आउट भए। दिपेन्द्र सिहं ऐरि शुन्य रनमा रनआउट भए ।
आशिफ शेख ८८ रनमा नटआउट रहे। ११९ बलको सामना गरेका आशिफले १२ चौका हाने । युएईका हज्रत विलाल र आयान अफ्जल खानले एक एक विकेट लिए ।
