काठमाडौं । बंगलादेशमा जारी साफ यू–१५ महिला च्याम्पियनसिपमा भुटानलाई नेपालले ० का विरुद्ध ७ गोलले पराजित गरेको छ ।
बगंलादेशको ढाकास्थित बीएसएसएसएमके स्टेडियममा बिहीबार भएको खेलमा नेपालले फराकिलो अन्तरले पराजित गर्दै सानदार विजयी सुरुवात गरेको हो ।
नेपालको जितमा वर्षा वली नायक बनिन्। उनले ह्याट्रिकसहित ४ गोल गरिन् । सुक्रिया मियाले दुई तथा सेनु परियारले एक गोल थपिन् ।
खेलकोसुरुवातमा नै वर्षाले गोल गर्दै नेपाललाई सुरुवाती अग्रता दिलाएकी थिइन्। खेलको १७ औँ मिनेटमा दास्रो गोल गरेकी वर्षाले ३४ औँ मिनेटमा ह्याट्रिक पुरा गरिन्। त्यसको १ मिनेटमा नै अर्को गोल गर्दै टोलीलाई ४–० को अग्रता दिलाईन्।
सुक्रियाले ६५ र ७२ औँ मिनेटमा गोल गरिन्। खेलको ६७ औँ मिनेटमा भुटान १० खेलाडीमा सिमित हुन पुग्यो। गोलरक्षक दीक्षा राई रातो कार्ड खाँदै मैदान बाहिरएपछि भुटान १० खेलाडीमा सिमित बनेको थियो।
खेलको ८५औं मिनेटमा सेनु परियारले गोल गर्दै नेपाललाई ७–० को फराकिलो अग्रता दिलाईन्। ८३ औँ मिनेटमा वर्षा ओलीको स्थानमा मैदान छिरेकी उनले गोल गरेकी थिईन्।
नेपालले शनिबार बगंलादेशसँग खेल्नेछ। ३ टोली सहभागी च्याम्पियनसिप डबल राउण्ड रोविन लिगका आधारमा भइरहेको छ।
