रामप्रसाद पौडेल, हैदराबाद ।
मूल प्रवाह अखिल भारत नेपाली एकता समाजमा फुट पार्न केही समयअघि फुटपरस्त तत्वहरुले निकै जोडबल लगाए ।
उनीहरुले फैलाएको भ्रमबाट केही कार्यकर्ताहरु अलमलमा समेत परे । तर, फुटपरस्तहरुको गतिविधि प्रष्ट हुँदै गएपछि भ्रममा परेका कार्यकर्तासमेत भ्रममुक्त हुँदै धमाधम मूल घरमै फर्कन थालेका छन् ।
यसैक्रममा फुटपरस्त समूहले कथित मध्य दक्षिण क्षेत्रीय समितिको सदस्य बनाएका हिमाल परियार (मिलन) मूल घरमै फर्कनुभएको छ ।
मूल प्रवाह अखिल भारत नेपाली एकता समाज, मध्य दक्षिण क्षेत्रीय समिती अन्तर्गत उत्तर हैदराबाद नगर समितिद्वारा सञ्चालित जुब्लिहिल्स एरिया समितिभित्र रहेर विभिन्न जिम्मेवारी सम्हाल्दै आएका मिलन केही समयअघि फुटपरस्तहरुले फैलाएको भ्रममा परि सो समूहमा सामेल भएकोमा आत्मालोचना गर्दै फर्कनुभएको हो ।
संगठनमा फुट पारेर अर्को संगठन निर्माण गरेपछि उनीहरुको हैसियत उदाङ्गो भएको उहाँले बताउनुभयो ।
एक विज्ञप्तिमार्फत भारतमा नेपालीहरुको समस्यासँग जुझ्न सक्ने एक मात्र संगठन मूल प्रवाह नै रहेको भन्दै उहाँले कुनै अलमलमा नपरी मूल प्रवाहको झण्डामुनी गोबन्द हुन आम भारतवासी नेपालीहरुमा आग्रह गर्नुभएको छ ।
