खिमराज चालीसे, चंडिगढ ।
मूल प्रवाह अखिल भारत नेपाली एकता समाज चंडिगढ नगर समितिले २०७९ तिहारको उपलक्ष्यमा प्रगतिशील देउसी भैलो खेलेको छ । मूल प्रवाहले चंडिगढका तीन स्थानमा चार दिनसम्म देसी भैलो प्रस्तुत गरेको हो ।
तीनवटै टिमहरुले आ–आफना एरियाको देउसी भैलो बिहीबार राति समापन गरेका छन्।
टिम ‘ए’
मूल प्रवाह चंडिगढको टिम ‘ए’ का भैलो टोलीको नेतृत्व पुरन थापाले गर्नुभएको थियो । सो टिमले हिजो देउसीभैलो समापन गरेको छ ।
टिम ‘बी’
यसेगरि टिम ‘बी’ ले पनि मोहाली, मध्यसिटी र ईन्डस्ट्रियल एरियाका जनताको घर दैलोमा चार दिनसम्म देउसीभैलो खेली हिजो राति नै समापन गरेको छ।
कार्यक्रममा प्रमुख अतिथी मूल प्रवाह केन्द्रीय सदस्य दिनेश खड्काले सम्बोधन गर्दै प्रगतिशील देउसी भैलोबारे प्रकाश पार्नुभयो । उहाँले देउसी भैलोमा सहभागी कार्यकर्ता, समर्थक तथा शुभ चिन्तकहरुको योगदानको प्रसंसा समेत गर्नु भएको थियो ।
त्यसैगरि देउसी भैलोको आफ्नो अनुभव साझा गर्दै बोल्ने वक्ताहरुमा मूल प्रवाह केन्द्रीय सदस्य तथा नेपाली समाचार संयोजक खिमराज चालीसे, सुदूरपश्चिमोत्तर क्षेत्रीय सदस्य महिला नेतृ जुना चालीसे, एरिया सदस्य डासीराम अर्याल, विद्यार्थी संघ क्षेत्रीय सदस्य सुरज चालीसे, भैलोटिम सदस्य राधा चालिसे घिमिरे, हिरा बहादुर बुढाथोकी लगाएत हुनुहुन्न्थ्यो । उहाँहरुले आ आफना अनुभव, सुझावसहित भैलो निकै राम्रो भएको विचार राख्नु भएको थियो ।
कार्यक्रम थानेश्वर पान्डेको सञ्चालन तथा तेज बहादुर रोकाको अध्यक्षतामा सम्पन्न भएको थियो भने स्वागत लक्ष्मी क्षेत्रीले गर्नु भएको थियो।
टिम ‘सी’
मूल प्रवाह चंडिगढ नगर समितिद्वारा सञ्चालित टिम ‘सी’ ले पनि हिजो देउसीभैलो समापन गरेको छ । समापन सभालाई मूल प्रवाह नगर सदस्य प्रितम खडका, मध्यसिटीका नारायण खनाल, महिला विभाग सदस्य माया नेपाली, रक्तिम विभाग सदस्य सम्झना विक, बाल विभागका संयोक सन्दिप विकले सम्बोधन गर्दै देउसी भैलोको अनुभव साझा गर्नु भएको थियो ।
कार्यक्रम थमन थापाको अध्यक्षतामा तथा अर्जुन विकको सञ्चालनमा सम्पन्न भएको थियो भने स्वागत दान बहादुर जीसीले गर्नु भएको थियो ।
