माधव खनाल, अर्घाखाँची ।
राष्ट्रिय जनमोर्चाका केन्द्रीय सदस्य झविलाल थापाले पितृसत्तात्मक सोच हावी हुनाले देशमा महिलाहरु पीडित भएको बताउनु भएको छ ।
बुधबार अखिल नेपाल महिला संघ भुमिकास्थान नगरपालिका वडा न १ को प्रशिक्षण भेलालाई सम्बोधन गर्दै थापाले आन्दोलनमा महिला दिदीबहिनीको उल्लेखनीय सहभागिताकै कारण देशमा आमूल परिवर्तन आएको बताउनुभयो ।
फरक प्रसङ्गमा नेता थापाले दुई तिहाईको शक्तिशाली सरकार भएको अवस्थामा पनि देशको हित बिपरित काम गरेको आरोप लगाउनुभयो ।
कार्यक्रममा मन्तव्य राख्दै अखिल नेपाल महिला संघकी जिल्ला सचिव कल्पना पोख्रेलले आफ्नो अधिकार प्राप्त गर्नको लागि पितृसत्तात्मक सोचलाई तोड्नु नै आजको मुख्य उधेश्य भएको बताउनुभयो ।
कार्यक्रमा राष्ट्रिय जनमोर्चाका जिल्ला सदस्य मेघराज खनाल, अखिल नेपाल शिक्षक संघका हिमलाल खनाल, अखिल नेपाल महिला संघकी मिना बिसी, भुमिकास्थान १ का वडाअध्यक्ष भोजराज खनाल लगायतले प्रशिक्षणात्मक मन्तव्य राख्नुभएको थियो । कार्यक्रम अखिल नेपाल महिला संघकी वडाअध्यक्ष खुमा बेल्बासेको अध्यक्षता तथा सचिव शान्ता खनालको सञ्चालनमा अघि बढेको थियो ।
