तम्घास । गुल्मी कालीगण्डकी–५ बरल्बामा राष्ट्रिय जनमोर्चाका शुभचिन्तक तथा समाजसेवी भीमबहादुरको निधन भएको छ ।

समाजसेवी थापाको २०७९ कात्तिक ८ गते बुधबारका दिन पाल्पाको मिसन अस्पतालमा उपचारको क्रममा निधन भएको हो ।

राष्ट्रिय जनमोर्चाका केन्द्रीय सदस्य रामकुमार क्षेत्री र कालीगण्डकी गाउँपालिका–६ खड्गकोटका निर्वाचित वडाअध्यक्ष पूर्णबहादुर थापा, राजमो पालिका अध्यक्ष गंगा केसी, सचिव सूर्य क्षेत्रीलगायतको उपस्थितिमा कालिगण्डकी घाटमा थापाको श्रद्धाञ्जली सभापछि थापाको दाहसंस्कार गरिएको थियो ।

थापाको पार्थिक शरीरमा राजमो केन्द्रीय सदस्य तारा थापा र रामकुमार क्षेत्रीले राजमोको झन्डा ओढाउनुभएको थियो ।

पिता हरिलाल थापा र माता मनिसरा थापाको कोखबाट माहिलो सन्तानको रूपमा १९९७ साल पुस २१ गतेका दिन जन्मेका थापाको उपचारको क्रममा असामयिक निधन भएको थियो ।