काठमाडौँ । अर्पण शर्माले स्मरणशक्तिका विधामा दोस्रो विश्व रेकर्ड कायम गर्नुभएको छ ।
विश्व कीर्तिमानको प्रमाणपत्र लन्डनको वल्र्ड बुक अफ रेकर्डको कार्यालयबाट नेपाल आएलगत्तै उक्त रेकर्ड सार्वजनिक भएको हो ।
पूर्वप्रधानमन्त्री एवम् नेकपा (एमाले) का अध्यक्ष केपी ओलीले आइतबार शर्मालाई बधाई दिँदै नयाँ विश्व रेकर्डको प्रमाणपत्र हस्तान्तरण गर्नुभयो ।
‘मेमोरी किङ’ को नामले परिचित शर्माले एक मिनेटमा ८३ वस्तुको क्रम स्मरण गरेर रचेको उक्त विश्व कीर्तिमान कायम गर्नुभएको हो । उहाँले भन्नुभयो– ‘ध्यान, साधना र मेमोरी टेक्निकलले यो सम्भव भएको हो ।’
उहाँले यसअघि सन् २०१५ मा १ मिनेटमा ४२ वस्तुको क्रम स्मरण गरेर विश्व कीर्तिमान कायम गर्नुभएको थियोे । भेटमा पूर्व प्रधानमन्त्री ओलीले यो कसरी सम्भव छ भन्नेबारेमा प्रश्न गर्नुभएको उल्लेख गर्दै उहाँले भन्नुभयो– ‘मैले ध्यान र साधनाबाट गर्न सकिने मैले बताएँ । उहाँले अर्को सफलताका लागि शुभकामना दिनुभयो ।’
उहाँले विश्व रेकर्डको प्रमाणपत्र सम्पूर्ण नेपालीको सफलता भएको आफूलाई महसुस भएको र आगामी दिनमा अझै वल्र्ड रेकर्ड राखेर नेपालको नाम विश्वसामु फैलाउने प्रयोगमा लाग्ने बताउनुभयो ।
