दाङ । तुलसीपुर उपमहानगरपालिका १३ दमारगाउँको जंगलमा खाडलका फेला परेका किशोर किशोरीको अन्त्येष्टि गरिएको छ ।
मंगलबार पोष्टमार्टम पछि प्रहरीले परिवारलाई शव हस्तान्तरण गरेपछि १५ वर्षीया रोसनी महतरा क्षेत्री र १४ वर्षका सरद आचार्यको अन्त्येष्टि गरिएको हो ।
उनीहरुको सितलापुरस्थित बबइ नदीको घाटमा अन्त्येष्टि गरियो । ती दुवै किशोर किशोरीको शव खाडल खनी पुरिएको अवस्थामा फेला परेको थियो ।
रोसनी तुल्सीपुर १३ दमारगाउँकै हुन् । दंगीशरण गाउँपालिका वडा नं. ६ थपगाउँ घर भएका सरद तुल्सपुरको दमारगाउँस्थीत मामाघर बस्दै आएका थिए ।
असोज २७ गतेदेखि बेपत्ता भएपछि अभिभावकले प्रहरीलाई खबर गरेका थिए । जंगलमा राति रोएको आवज सुनिएको गाउँलेहरुले बताएअनुसार खोज्न जाँदा शव पुरिएको अवस्थामा फेला परेको थियो ।
घटनाको अनुसन्धानको लागि केही व्यक्तिलाई पक्राउ गरिएको इलाका प्रहरी कार्यालय तुल्सीपुरका डीएसपी पुष्पविक्रम मल्लले बताए । तर, कति जना पक्राउ परेको भन्ने बारेमा भने प्रहरीले बताएको छैन् ।
