टुकबहादुर रामदाम, मस्कट (ओमान) ।
ओमानमा नेपाली दूतावाससहित २४ नेपाली संस्थाहरुले संयुक्त तिहार कार्यक्रमको आयोजना गर्ने भएका छन् । कार्यक्रममा ओमान नेपाली एकता समाजको सहभागिता रहनेछ ।
अगामी अक्टुबर २८ गते शुक्रबारका दिन सिटि फार्म हाउस सिव मस्कटमा संयुक्त कार्यक्रम हुने आयोजकले जनाएका छन् ।
पहिलो पहिलो पटक २४ वटा संघ संस्थाहरुले एकताको सन्देश दिन तथा नेपाली समुदायमा आत्मियता समन्वयता,सहकार्यता स–सम्मानता र विश्वभर रहेका नेपालीहरुको लागी पनि पहिलो उदाहरणीय कार्यक्रम रहने जनाइएको छ ।
संयुक्त तथा निःशुल्क प्रवेश रहेको सो कार्यक्रममा ठूलो मात्रमा नेपाली सामुदाय उपस्थित हुने बताइएको छ । नेपाली मौलिक, नेपाली कला, सांस्कृति, नेपालीपन झल्किने महत्त्वपूर्ण एैतिहासिक कार्यक्रम रहने आयोजक संघ संस्थाहरुले जानकारी दिएका छन् ।
साथै, दूतावास ओमान पनि प्रतक्ष उपस्थित हुने कार्यक्रम हुँदा नेपाली श्रमिकहरुको अवस्था बुझन सहज हुने अपेक्षा गरिएको छ ।
कार्यक्रममा नेपाली एकता समाजसहित गैर आवासीय नेपाली सोसल क्लव ओमान, जन सम्पर्क समिति ओमान, नेपाल जन प्रगतिशील मञ्च ओमान, प्रवासी नेपाली एकता मञ्च ओमान, तमु समाज ओमाज, नेपाल मगर संघ ओमान, दलित एकता समाज ओमान, बागलुङ सेवा समाज, मोरङ–सुनसरी सेवा समाज, नेपाली समाज ओमाज, नेपाली महिला समूह ओमान, गुल्मी सेवा समाज, नेपाल तामाङ समाज ओमान, बुद्ध भिजन ओमान, पालपाली परिवार ओमान, म्यादी प्रवासी नेपाली मञ्च ओमान, अन्तर्राष्टिय साहित्य च्याप्टर ओमान, रक्तादान समुह ओमान,सगरमाथा समूह ओमान सहभागी हुने छन्।
कार्यक्रमलाई सफल पार्न कार्यक्रम संयोजक समिति बनाएर विभिन्न जिम्मेवारी समेत बाँडफाँड गरेको छ । संस्कृति झल्किने, कला प्रतिभा, तिहार सम्बन्धित मौलिक देउसे भैलो, विभिन्न सांगीतिक प्रस्तुतीहरु साथ साथै रमाइलो खेल समेत कार्यक्रममा नेपाली समुदायलाई उपस्थितिको लागि आयोजकले आग्रह गरेका छन् ।
