गणेश अधिकारी, पोखरा ।
राष्ट्रिय जनमोर्चा कास्कीले भेला सम्पन्न गरेको छ । आगामी सङ्घ र प्रदेशको चुनावलाई केन्द्रित गरेर २०७९ असोज २३ गते सो भेला सम्पन्न भएको हो ।
भेलालाई प्रमुख अतिथि राजमो गण्डकी प्रदेश समितिका अध्यक्ष शङ्कर बराल हुनुहुन्थ्यो ।
सो अवसरमा बरालले देशको समसामयिक राजनीतिक परिस्थितिको बारेमा जानकारी गराउनुभएको थियो ।
भेलाले रविमोहन ढकालको संयोजकत्वमा हरिबहादुर खत्री, तमबहादुर रोका, गङ्गबहादुर थापा, सन्तोष पौडेल, चन्द्रबहादुर केसी र सोमनाथ अधिकारी सदस्य रहनुभएको निर्वाचन परिचालन समिति चयन गरेको छ ।
त्यस्तै, भेलाले निर्वाचन क्षेत्र स्तरीय निर्वाचन प्रचार प्रसार समिति गठन गरेको छ । जसानुसार, १ नम्बर क्षेत्रमा रविमोहन ढकालको सयोजकत्वमा ३१ सदस्यीय समिति, २ नम्बर क्षेत्रमा हरिबहादुर खत्रीको संयोजकत्वमा २७ सदस्यीय निर्वाचन परिचालन समिति र ३ नम्बर क्षेत्रमा तमबहादुर रोकाको सयोजकत्वमा ३५ सदस्यीय निर्वाचन प्रचार प्रसार समिति चयन गरेको छ ।
भेलाले १ नं. निर्वाचन क्षेत्रको असोज २८ गते, २ नम्बर क्षेत्रको असोज २९ गते र ३ नम्बर क्षेत्रको असोज २७ गते बैठक बस्ने निर्णय गरेको प्राप्त समाचारमा उल्लेख छ ।
भेलाको अध्यक्षता जिल्ला अध्यक्ष रविमोहन ढकालले र सञ्चालन जिल्ला उपाध्यक्ष तमबहादुर रोकाले गर्नुभएको थियो ।
