दाङ । दाङको क्षेत्र नं. १ (क) प्रदेशसभामा राष्ट्रिय जनमोर्चा दाङका उपाध्यक्ष महेशचन्द उम्मेदवार बन्नुभएको छ ।
२०७९ असोज २३ गते आइतबार लमहीस्थित जिल्ला निर्वाचन कार्यालयमा गई उहाँले उम्मेदवारी दर्ता गराउनुभएको हो ।
उम्मेदवारी दर्ता गराउनका लागि अखिल नेपाल युवक सङ्घका पूर्व केन्द्रीय अध्यक्ष काशिनाथ पोख्रेल, अखिल नेपाल किसान महासङ्घ (अप्फा) का केन्द्रीय कोषाध्यक्ष प्रेमनारायण आचार्य, अखिल नेपाल बुद्धिजीवी सङ्घका केन्द्रीय सदस्य केशवराज खनाल र अखिल नेपाल जनजाति सम्मेलनका केन्द्रीय सदस्य रमेशमान गुरुङसहितको प्रतिनिधि मण्डल निर्वाचन कार्यालय पुगेको थियो ।
सो अवसरमा राजमो दाङका सचिव वशन्त पौडेल, राजमो जिल्ला सदस्य कपिलदेव खनाल र ठाकुर आचार्य, राजमो जिल्ला सल्लाहकार गुणनिधि शर्मा, किसान महासङ्घका जिल्ला उपाध्यक्ष माधव आचार्य, अखिल नेपाल ट्रेड युनियन महासङ्घ (अन्टुक) का जिल्ला सदस्य ठाकुरप्रसाद भण्डारी र सल्लाहकार नुमबहादुर पुन, अखिल नेपाल राष्ट्रिय उद्योग व्यापार सङ्घका जिल्ला सदस्य चिन्तामणि पोखरेल, रक्तिम सांस्कृतिक अभियानका जिल्ला उपाध्यक्ष बुद्धबहादुर जिसी, राजमो लमहीका हरि थापा, राजमो राप्तीका छविलाल भैयामगरलगायतको सहभागिता रहेको थियो ।
