दिनेश रैदास, दाङ ।
अखिल (छैठौं) दाङको जिल्ला भेला सम्पन्न भएको छ । संगठनका महासचिव सुवास जिसीको प्रमुख आतिथ्यतामा शनिबार (असोज ८ गते) लमहीमा भेला सम्पन्न भएको हो ।
भेलालाई सम्बोधन गर्दै महासचिव सुवास जिसीले राष्ट्रघाती एमसीसी, नागरिकता विधेयक जस्ता राष्ट्रघा विरुद्ध सबै विद्यार्थी एकजुट भएर सडकमा उत्रने बेला आएको बताउनुभयो । विद्यार्थी सचेत तप्का भएकाले राजनीतिलाई सही प्रकारले बुझ्ने क्षमता विद्यार्थीमा हुनुपर्ने आवश्यकता औँल्याउनुभयो ।
भेलामा अखिल (छैंठौं) का पूर्वकेन्द्रीय सचिव एवम् राष्ट्रिय जनमोर्चा दाङका अध्यक्ष गणेश आचार्य, अखिल नेपाल युवक संघका पूर्वकेन्द्रीय अध्यक्ष काशीनाथ पोख्रेल, अखिल (छैठौंं) केन्द्रीय सदस्य खगेन्द्रा विष्ट र जीवन परियार, अखिल नेपाल शिक्षक संघका केन्द्रीय सदस्य लालबाबु भण्डारी, शिक्षक संघका दाङ जिल्ला अध्यक्ष रुमाल बस्याल, राजमोका जिल्ला सदस्य कपिलदेव खनाल, रक्तिम सांस्कृतिक अभियान दाङका सहसचिव भरत भण्डारी, अखिल (छैठौं) पूर्वजिल्ला अध्यक्ष वसन्त आचार्य र ध्रुव बेल्वासे लगायतले शुभकामना मन्तव्य राख्नुभएको थियो ।
त्यसैगरी बन्दसत्रको अध्यक्षता खगेन्द्रा विष्ट, ध्रुव बेल्वासे र भरत भण्डारीले गर्नुभयो । बन्दसत्रमा राजनैतिक तथा सांगठनिक प्रतिवेदन र आर्थिक प्रतिवेदन प्रस्तुत गरी छलफल पश्चात पारित गरिएको थियो ।
भेलाले सरीता पुनको अध्यक्षतामा १५ जना पूर्ण र ६ वैकल्पिक गरी २१ सदस्यीय जिल्ला समिति चयन गरेको छ । समितिको उपाध्यक्षमा त्रिशन केसी, सचिव दिनेश रैदास, सहसचिवमा निर्मला खनाल र कोषाध्यक्षमा सुनिता आचार्य रहनुभएको छ ।
त्यस्तै सदस्यमा गौतम चौधरी, प्रतिज्ञा भण्डारी, केशरी शर्मा, कुशल उपाध्याय, सागर आचार्य, कमल परियार, तुलसीराम भन्डारी, अन्जु खरेल, श्याम कुमार सहनी र विक्रम केसी लगायत रहनुभएको छ । वैकल्पिक सदस्यमा सोनिया विक, नितेश कौशल, चेतराम विक, नारायण बुढा, आस्था शर्मा, साबित बुढाथोकी चयन हुनुभएको छ।
भेला सरिता पुनको अध्यक्षता, दिनेश रैदासको सञ्चालन तथा सुनिता आचार्यको स्वागत मन्तव्यमा अघि बढेको थियो ।
