टेकराज भुसाल, अर्घाखाँची ।
भूमिकास्थान नगरपालिका –१ ढाकावांगमा अवस्थित विश्व माध्यमिक विद्यालय व्यवस्थापन समितिको अध्यक्षमा भोजराज खनाल सर्वसम्मत चयन हुनुभएको छ।

विद्यालय व्यवस्थापन समितिको आइतबार सम्पन्न बैठकले भूमिकास्थान नगरपालिका – १ का पूर्व वडा अध्यक्ष समेत रहनुभएका खनाललाई सर्वसम्मत अध्यक्षमा चयन गरेको हो।

जस अनुसार समितिको सदस्यहरुमा विष्णुप्रसाद खनाल, लक्ष्मी खनाल, रमा खनाल, अमृता भुसाल (चुदाली) र गुरुदेव खनाल रहनु भएको छ।

विद्यालय रहेको क्षेत्रको वडा अध्यक्ष वा सदस्य विद्यालय व्यवस्थापन समितिमा रहने प्रावधान अनुरुप भुमिकास्थान १ का वडा अध्यक्ष गोपाल प्रसाद खनाल, पदेन सदस्य तथा शिक्षक प्रतिनिधिमा रुद्रमणि खनाल र सदस्य सचिवमा प्राचार्य गोपाल प्रसाद आचार्य रहनु भएको छ ।

यसैविच नवनिर्वाचित अध्यक्ष भोजराज खनालले विद्यार्थी, शिक्षक र अभिभावक विचको त्रिकोणात्मक सम्वन्धलाई सुमधुर र सुदृढ बनाउदै विश्व माध्यमिक विद्यालयलाई नमूना र उत्कृष्ट शैक्षिक संस्थाको रूपमा स्थापित गर्न क्रियाशील रहने बताउनुभएको छ।