शिव पंथी, प्यूठान ।
स्वर्गद्वारी नगरपालिका भिंग्रीमा राष्ट्रिय जनमोर्चाको प्रशिक्षण भेला सम्पन्न भएको छ ।
कार्यक्रममा प्रमुख अतिथि राजमो लुम्बिनी प्रदेश अध्यक्ष बोमबहादुर खत्रीले समसामयिक राजनीतिक विषयमा प्रशिक्षण दिनु भएको थियो । त्यस क्रममा उहाँले संघीयता, एमसीसी सम्झौता र राष्ट्रघाती नागरिकता विधेयक खारेजीका लागि संघर्षलाई सशक्त बनाएर लैजानुपर्ने आवश्यकता औँल्याउनुभयो ।
कार्यक्रममा राजमो लुम्बिनी प्रदेश सल्लाहकार वाशुदेव पोख्रेल, जिल्ला उपाध्यक्ष ईमान सिंह खड्का, स्वर्गद्वारी नगरपालिकाका उपमेयर जिनराज रानाले शुभकामना मन्तव्य दिनुभएको थियो ।
जिल्ला समन्वय समितिका सदस्य खुमा अधिकारी, वडा अध्यक्ष बुद्धिराम पुन, खोप बहादुर राउत, अखिल नेपाल महिला संघका नगर अध्यक्ष सुमि गुरुङ लगाएतको उपस्थिति रहेको थियो ।
राजमो स्वर्गद्वारी नगर अध्यक्ष इन्द्रबहादुर खड्काको अध्यक्षता तथा वडा नम्बर ६ का वडा अध्यक्ष गिर बहादुर गुरुङको स्वागत मन्तव्यमा अघि बढेको उक्त कार्यक्रममा राजमो नगर सचिव गंगाराम बिसीले सञ्चालन गर्नु भएको थियोे ।
