नयाँदिल्ली । नेपाल पत्रकार महासङ्घ भारत शाखाको महासचिवमा नेपाली एकता मासिकका सहसम्पादक धनवीर पुनमगर चयन हुनुभएको छ । त्यस्तै, केन्द्रीय सदस्यमा सोही पत्रिकाका समाचार संयोजक तथा युगदर्शनका संवाददाता खिमराज चालिसे चयन हुनुभएको ।
महासङ्घ भारत शाखाको सेप्टेम्बर ११, २०२२ आइतबारका दिन नयाँदिल्लीमा सम्पन्न तेस्रो अधिवेशनले उहाँहरूलाई महासचिव र सदस्यमा चयन गरेको हो ।
पत्रकार महासङ्घका केन्द्रीय अध्यक्ष विपुल पोखे्रको प्रमुख आतिथ्य एवम् निवर्तमान अध्यक्ष गोविन्द आचार्य र केन्द्रीय प्रतिनिधि राजेश मिश्राको विशेष आतिथ्यमा अधिवेशन सम्पन्न भएको थियो ।
अधिवेशनले देवेन्द्र कुँवर अध्यक्ष रहनुभएको नयाँ कार्यसमिति चयन गरेको छ । समितिमा वरिष्ठ उपाध्यक्ष गोविन्द पोख्रेल, खुल्ला उपाध्यक्ष धनबहादुर विक, महासचिव धनवीर पुनमगर, खुल्ला सचिव इन्द्रकमल जैरू, समावेशी सचिव सुवास बस्नेत र कोषाध्यक्ष खुमबहादुर गुरुङ सर्वसम्मत चयन हुनुभएको छ ।
त्यस्तै राष्ट्रिय परिषद् सदस्यमा देवेन्द्र केसी र लोकेन्द्रकुमार चन्द तथा सदस्यहरूमा केशव पोखे्रल, खिमराज चालिसे, कमल सिंह, निलम क्षेत्री, भरत कुमार पौडेल, कृष्ण शर्मा, दीपेन्द्र ढकाल, जुद्धबहादुर घर्ती, राम जोशी, टेकनारायण दयालु र दिनेश चन्द जैसवाल रहनुभएको छ । निवर्तमान महासचिव अर्जुन खनाल प्रमुख सल्लाहकारमा चयन हुनुभएको छ ।
नयाँ कार्यसमितिको घोषणा केन्द्रीय प्रतिनिधि राजेश मिश्राले गर्नुभएको थियो ।
कार्यक्रममा महासङ्घका केन्द्रीय अध्यक्ष विपुल पोखे्रल, निवर्तमान अध्यक्ष गोविन्द आचार्य, केन्द्रीय प्रतिनिधि राजेश मिश्रा, नेपाली दूतावासका मिनिस्टर पोलिटिकल काउन्सलर आनन्द शर्मा, अल इन्डिया रेडियो नेपाली सेवाका अशोक चौरसिया, मूल प्रवाह अखिल भारत नेपाली एकता समाजका केन्द्रीय सदस्य शिव केसी, जनसम्पर्क समितिका कृष्णराज पाण्डे, एभरेस्ट चेम्बर अफ कमर्स इन्डस्ट्रिजका अध्यक्ष युवराज बराल, साउथ एसिया युनिभर्सिटीका प्रोफेसर युवराज पोखरेलले शुभकामना दिनुभएको थियो ।
कार्यक्रमको अध्यक्षता लोकेन्द्रकुमार शाहले र सञ्चालन गोविन्द पोख्रेलले गर्नुभएको थियो । सहिदको सम्झनामा एक मिनेट मौनधारण, नेपाल र भारतका राष्ट्रियगानका प्रस्तुतपछि अर्जुन खनालले स्वागत गर्नुभएको थियो ।
