धनगढी । रक्तिम सांस्कृतिक अभियान सुदूरपश्चिम प्रदेशको भेला सम्पन्न भएको छ । शनिबार धनगढीमा सम्पनन भेलाले धर्मदेव पन्त संयोजक र ललित चन्द सहसंयोजक रहने गरी प्रदेश समितिको चयन गरेको छ ।
समितिका सदस्यहरुमा कुन्ति पाण्डे, क्रान्ति चौधरी, अञ्जना मास्के, पवित्रा बडु र कैलाश बिश्वकर्मालाई सदस्य चयन हुनुभएको छ भने दुई स्थान रिक्त राखिएको छ । भेलाले लक्ष्मी रिजाल र मञ्जु परियारलाई सल्लाहकार चयन गरेको छ ।
रक्तिम सांस्कृतिक अभियानका केन्द्रीय सदस्य एवं सुदूरपश्चिम इन्चार्ज बाबुराम आचार्यले भेलाको उद्घाटन गर्नुभएको थियो । कार्यक्रममा राष्ट्रिय जनमोर्चाका केन्द्रीय सदस्य एवं सुदूरपश्चिम प्रदेश अध्यक्ष नन्दराज भट्टले भेला सफलताको शुभकामना दिनुभएको थियो ।
कार्यक्रमको सुरुवात ‘आउलान् हजार बाधाहरु तिम्रो लक्ष्य र बाटोमा, नखानु हरेश कुनै बेला फूल्नु फल्नु यही माटोमा’ बोलको गीतसहित गरिएको थियो । कार्यक्रमको सञ्चालन क्रान्ति चौधरी र स्वागत नरेन्द्र गिरीले गर्नुभएको थियो ।
