काठमाडौँ । ओमन नेपाली एकता समाजद्वारा बिरामी बालकको उपचारार्थ सङ्कलन गरिएको ५४ हजार पाँच सय ७२ नेपाली रुपियाँ सहयोग हस्तान्तरण गरिएको छ ।

नेकपा (मसाल) का प्रवक्ता रामप्रकाश पुरी, राष्ट्रिय जनमोर्चाका कोषाध्यक्ष मधु क्षेत्री र राजमो नेता आनन्द शर्माको उपस्थितिमा राजमो केन्द्रीय कार्यालय कपनमा २०७९ भदौ २२ गतेका दिन सो सहयोग रकम हस्तान्तरण गरिएको हो ।

खोटाङ जिल्ला दिक्तेल रूपाकोट मझुवागढी वडा नं. ४ का मिलन लम्सालका २६ महिनाका छोरा सन्दीप लम्सालको उपचारार्थ ओमनमा सो रकम सङ्कलन गरिएको थियो ।

ओमन नेपाली एकता समाजका अध्यक्ष छविलाल बस्नेतले उक्त सङ्कलित रकम अन्तर्राष्ट्रिय नेपाली एकता समाजमार्फत् नेपाल पठाउनुभएको थियो ।

सो रकम बिरामीका मामाका छोरा नवीन विशुङ्खेलाई हस्तान्तरण गरिएको हो ।