काठमाडौं । नेपालले जलवायु संकटकाल घोषणा गर्ने भएको छ । विश्वको ध्यानाकर्षण गराउन नेपाललाई ‘जलवायु सङ्कटकाल’ घोषणा गर्न लागिएको वन तथा वातावरणमन्त्री प्रदीप यादवले जानकारी दिएका छन् ।

काठमाडौंमा सोमबार यआयोजित एक कार्यक्रममा मन्त्री यादवले जलवायु परिवर्तनको उच्च जोखिममा रहेकाले नेपाललाई जलवायु सङ्कटकाल घोषणा गर्ने गरी तयारी भइरहेको बताए ।

मन्त्री यादवले उक्त विषयमा सबै सरोकारवाला निकाय र विज्ञसँग छलफल गरेर नेपाल जलवायु संकटमा पुगेको घोषणा गरिने जानकारी पनि दिए ।

उनले संकटकाल घोषणाका लागि मन्त्रालयले यसको ‘मोडालिटी’ खोज्ने तयारी थालेको पनि बताए ।

उनले भने, ‘जलवायु सङ्कटकाल र जलवायु सङ्कट घोषणा गरिरहँदा तथ्यमा आधारित प्रमाण चाहिने भएकाले सोहीअनुसार हामी आगाडि बढिरहेका छौँ ।’ रासस