खिमराज चालीसे, चंडिगढ ।
मूल प्रवाह अखिल भारत नेपाली एकता समाज महिला विभागको आयोजनामा हिमांचलको विभिन्न स्थानमा पनि प्रगतिशील तीजी कार्यक्रमहरु सम्पन्न भएका छन् ।
महिला विभागले नेपाली नारीहरुको महान पर्व तीजको अवसर पारेर मंगलबार ‘गणतन्त्र र राष्ट्रियताको रक्षा गरौँ, भारतस्थित प्रवासी नेपालीहरुको मताधिकार तथा समानुपातिक प्रतिनिधित्व सुनिश्चित गरौँ’ भन्ने मूल नाराको साथ भारतका विभिन्न शहरमा कार्यक्रम आयोजना गरेको हो ।
सोलन– मूलप्रवाह अखिल भारत नेपाली एकता समाज हिमांचल राज्य समितिद्धारा संचालित सोलन नगर समितिको आयोजनामा प्रगतिशिल तिजी कार्यक्रम सम्पन्न गरिएको छ। यहा रतन बहादुर केसीको अध्यक्षतामा तथा भुवन केसीको सञ्चालनमा सम्पन्न कार्यक्रमको उदघाटन मूलप्रवाहका केन्द्रीय सदस्य तथा राज्य समितिका अध्यक्ष सोवाखर पन्थले व्यानर खोलेर गर्नु भएको थियो।
रामपुर – यसैगरि मूलप्रवाह रामपुर नगर समिति अन्तर्गत विभिन्न स्थानमा तीजी कार्यक्रमहरु सम्पन्न भएका छन । जस अनुसार ज्युरीक एरियामा बिमला शाहिको अध्यक्षतामा तथा कृष्ण क्षेत्रीको सञ्चालनमा सम्पन्न भएको थियो । यसैगरि दत्तानगर एरियामा रिनादेवीको अध्यक्षतामा तथा विकास खत्रीको सञ्चालनमा सम्पन्न कार्यक्रममा नगरका चिन्ता बहादुर पुनले सम्वोधन गर्नु भएको थियो । ठानेदार हरिकला देवीको अध्यक्षतामा तथा सोहनलालको सञ्चालनमा सम्पन्न कार्यक्रममा नगर समितिका सितारामले सम्वोधन गर्नु भएको थियो ।
भावानगर– मूलप्रवाह भावानगरको आयोजनामा सम्पन्न प्रगतिशिल तीजी कार्यक्रम किरन दाहालको अध्यक्षता मा तथा बिरु श्रेष्ठको सञ्चालनमा सम्पन्न भएको छ ।
मनाली– मूलप्रवाह मनाली नगर समितिको आयोजनामा सम्पन्न भव्य कार्यक्रम नगर अध्यक्ष साइला लामाको अध्यक्षतामा तथा नगर सचिव तुलबहादुर बुढा मगरको सञ्चालनमा सम्पन्न भएको थियो । रिकान्पियोमा पनि गोपाल जंग शाहिको अध्यक्षतामा तथा मिथुन सिंहको सञ्चालनमा मूलप्रवाहको प्रगतिशिल तीजी कार्यक्रम सम्पन्न भएको छ । यहाँ एसडिएम कल्पालाई नेपालीहरुका समस्याहरू बारे अवगत गराउदै समस्याहरू निवारणको ठोस निर्णय गरियोस भनि ज्ञापन पत्र पनि बुझाईएको जानकारी राज्य समितिका सचिव भुवन केसीले दिनु भएको छ।
यसैगरि मूलप्रवाह भुल्तर नगर समितिको आयोजनामा सम्पन्न कार्यक्रम कनैयालाल चौधरीको अध्यक्षतामा तथा विशालको सञ्चालनमा सम्पन्न भएको कार्यक्रममा मूलप्रवाह नगरका दिनेश कुमारले सम्वोधन गर्नु भएको हो।
