सुमन आचार्य, भरतपुर चितवन ।
अखिल नेपाल राष्ट्रिय स्वतन्त्र विद्यार्थी यूनियन (छैठौं) ले चितवन जिल्लाका विभिन्न स्थानहरुमा संगठन विस्तार तिब्र पारेको छ । सोही क्रममा भरतपुर महानगरपालिकाको प्रथम नगर भेला सम्पन्न गरेको छ ।
महानगरको प्रथम नगर भेला यूनियनका कोषाध्यक्ष निश्चल क्षेत्रीको प्रमुख आतिथ्यतामा बिहिबार भरतपुरमा सम्पन्न भएको छ । भेलाले नवराज पाण्डेको अध्यक्षतामा ११ सदस्यीय अखिल नेपाल राष्ट्रिय स्वतन्त्र विद्यार्थी यूनियन (छैठौं), भरतपुर महानगर समिति गठन गरेको हो ।
समितिको उपाध्यक्ष, सचिव, सहसचिव र कोषाध्यक्षमा क्रमशः नवराज पण्डित, अम्बिका केसी, सुर्य शर्मा र कृष्ण शर्मा चयन हुनुभएको छ । सदस्यहरुमा सुवास शर्मा, शिव शर्मा, कृष्ण घर्ती, सरोज शर्मा कमला शर्मा र नम्रता आचार्य चयन हुनुभएको छ । नवराज पाण्डेको अध्यक्षता रहेको उक्त कार्यक्रमको सञ्चालन युनियनका जिल्ला अध्यक्ष कमल आचार्यले गर्नुभएको थियो ।
भेलामा नेकपा (मसाल)का जिल्ला प्रवक्ता मेघराज ढकाल, अखिल (छैठौं) पूर्व जिल्ला अध्यक्ष एवं राष्ट्रिय जनमोर्चा भरतपुर महानगरका सचिव सुमन आचार्य, अखिल नेपाल किसान महासंघका जिल्ला अध्यक्ष विष्णु पौडेल लगायतका आतिथिहरुले विद्यार्थी प्रशिक्षण दिनुका साथै भेला सफलताको शुभकामना दिनुभएको थियो ।
त्यसैगरी, (छैठौं)को कालिका नगरपालिकाको प्रथम नगर भेला सम्पन्न भएको छ । यूनियनका कोषाध्यक्ष निश्चल क्षेत्रीको प्रमुख आतिथ्यतामा बुधबार खोलेसिमल बजारमा भेला सम्पन्न हो । सो भेलाले सागर आचार्यको अध्यक्षतामा १३ सदस्यीय अखिल (छैठौं), कालिका नगर समिति गठन गरेको छ ।
समितिको उपाध्यक्ष, सचिव, सहसचिव र कोषाध्यक्षमा क्रमशः निसा पौडेल, बिमल चालिसे, मुना पौडेल र आशिष ढुंगाना चयन हुनुभएको छ । त्यस्तै, सदस्यहरुमा मणिरत्न पौडेल, प्रदिप पौडेल, प्रकाश पौडेल, दिपक शर्मा, नारायण पराजुली, निश्चल सुवेदी, सरोज आचार्य र उषा ढुंगाना रहनुभएको छ । सागर आचार्यको अध्यक्षता रहेको उक्त भेलाको सञ्चालन युनियनका जिल्ला अध्यक्ष कमल आचार्यले गर्नुभएको थियो ।
भेलामा राष्ट्रिय जनमोर्चा कालिका नगर समितिका पूर्व अध्यक्ष विष्णु ढुंगाना र रक्तिम साँस्कृतिक अभियान पूर्व जिल्ला कोषाध्यक्ष दिपक ढुंगानाले शुभकामना दिनुभएको थियो ।
