दाङ । आज (बिहीबार) १२७ औं माओ जयन्ती, देशभर विभिन्न कार्यक्रम गरी माओ जयन्ती मनाइएको छ । यसै सन्दर्भमा दाङको गढवामा पनि एक कार्यक्रमको आयोजना गरी माओ जयन्ती मनाइएको हो।
राष्ट्रिय जनमोर्चा गढवा गाउँपालिकाको आयोजनामा भएको कार्यक्रममा बोल्ने वक्ताहरुले माओको योगदान, भुमिका र सान्दर्भिकताको बरेमा प्रकाश पर्नु भएको थियो ।
कार्यक्रममा राष्ट्रिय जनमोर्चा ५ न. प्रदेश सचिवालय सदस्य रेशम बिसी, दाङ जिल्ला अध्यक्ष गणेश आचार्य, रक्तिम सांस्कृतिक अभियानका केन्द्रीय सल्लाहकार नारायण योगी, अखिल नेपाल शिक्षक संघका केन्द्रीय सदस्य लालबहादुर भण्डारी लगायतका वक्ताहरुले मन्तब्य राख्नु भएको थियो ।
राष्ट्रिय जनमोर्चा गढवा गाउँपालिका अध्यक्ष कपिलदेव खनालको अध्यक्षता तथा खुमानन्द पोख्रेलको स्वागत मन्तब्यबाट सुरु भएको कार्यक्रमको सञ्चालन गाउँपालिकाका सचिव टुकमान कुवँरले गर्नु भएको थियो ।
