काठमाडौं । निलम्बित प्रधानन्यायाधीश चोलेन्द्र शमशेर जबरालाई प्रतिनिधिसभाद्वारा गठित महाभियोग सिफारिस समितिले बयानका लागि बोलाएको छ।
बुधबार (भदौ १५ गते) विहान ११ बजे बस्ने समितिको बैठकमा प्रधानन्यायाधीश राणालाई बयानका लागि बोलाएको हो ।
समितिका सचिव लक्ष्मीप्रसाद गौतमद्वारा बैठकका लागि समितिका सदस्यहरुलाई पठाइएको पत्रमा छलफलको विषयमा ‘प्रधानन्यायाधीश चोलेन्द्र शमशेर जबरासँग महाभियोग लगाइएको सम्बनिधत विषयमा सोधपुछ तथा बयान लिने’ उल्लेख छ।
चोलेन्द्रविरुद्ध संविधान र कानुनको गम्भीर उल्लंघन गरेको, कार्यक्षमता अभाव, खराब आचरण, इमान्दारपूर्वक पदीय कर्तव्य पालना नगरेको र आचारसंहिता गम्भीर उल्लंघन गरेको लगायत २१ आरोप लगाएर महाभियोग दर्ता गरिएको थियो ।
२०७८ फागुन १ मा सत्तारुढ दलका ९८ सांसदको हस्ताक्षरसहित संसद सचिवालयमा महाभियोग दर्ता भएको थियो ।
गत फागुन २२ मा बसेको प्रतिनिधिसभा बैठकले प्रधानन्यायाधीश जबरामाथि लगाइएको महाभियोगको छानबिन गर्न संविधानको धारा १०१ अनुसार ११ सदस्यीय ‘महाभियोग सिफारिस समिति’ गठन गरेको थियो।
समितिमा एमालेका सांसदहरु विष्णुप्रसाद पौडेल, लालबाबु पण्डित, शिवमाया तुम्बाहाम्फे र कृष्णभक्त पोखरेल सदस्य छन्। यस्तै कांग्रेसबाट मीनबहादुर विश्वकर्मा र रामबहादुर बिष्ट, नेकपा माओवादी केन्द्रबाट यशोदा सुवेदी र रेखा शर्मा सदस्य छन्।
नेकपा एकीकृत समाजवादीबाट कल्याणी खड्का, लोकतान्त्रिक समाजवादी पार्टी ९लोसपा०बाट एकवाल मियाँ र जनता समाजवादी पार्टी ९जसपा०बाट प्रमोद साहसहित ११ जना सांसद छन्।
