चिदम्बरम (भारत) ।
मूल प्रवाह अखिल भारत नेपाली एकता समाज चिदम्बरम नगर महिला विभागको आयोजनामा प्रगतिशील तिजी कार्यक्रम सम्पन्न भएको छ ।
पवित्र शर्माको अध्यक्षतामा, दुर्गा देवि हमालको सञ्चालन र अतिथि आसनग्रहण पश्चात सहिदहरुप्रति एक मिनेट मौनधारण गरि अगाडि बढेको सो तिजी कार्यक्रममा उपस्थित जनसमुदायहरूलाई लक्ष्मी शर्माले स्वागत गर्नु भएको थियो ।
कार्यक्रमका प्रमुख अथिति क्षेत्रीय समितिका सदस्य नारायण शर्माले मैनबत्ती बालेर कार्यक्रमको उदघाटन गर्नु भएको थियो ।
उदघाटन मन्तव्य राख्दै शर्माले तीजी कार्यक्रम विगतमा नेपाली महिलाहरुको आफ्नो दुःख, पीडा र वेदना पोख्ने पर्व भए पनि मूल प्रवाहमा आबद्ध भए पश्चत भारत प्रवासका नेपाली महिला दिदी बहिनीहरूले आफ्नो हक, अधिकार र न्यायको लागि संघर्ष गर्ने अठोट साथ प्रगतिशील तिजी पर्व मनाउँदै आएको सन्दर्भ उल्लेख गर्नुभयो ।
उहाँले वर्तमान देशको राजनैतिक विसंगती र सत्तासिन राजनीतिक दलहरुको राष्ट्रघाती कदम विरुद्ध पनि शसक्त रुपमा आवाज उठाउन प्रगतिशील तिजी कार्यक्रमले महत्वपूर्ण भूमिका खेलेको विचार व्यक्त गर्नु भयो ।
कार्यक्रम सफलताको शुभकामना मन्तव्य हिम बहादुर हमालले राख्नु भएको थियो भने नगर सदस्य रुद्र प्रसाद शर्माले उपस्थित सम्पूर्ण दिदी बहिनीहरूलाई धन्यवाद ज्ञापन गर्नु भएको थियो ।
