टेकराज भुसाल(टेकु), बुटवल ।
१२७ औं माओ जयन्ती भब्यतापूर्वक मनाइएको छ । बुटवलस्थित देबदहमा एक कार्यक्रम आयोजना गरी माओ जयन्ती मनाइएको हो ।
कार्यक्रममा वक्ताहरुले माओको योगदानबारे चर्चा गर्नुभएको थियो । राष्ट्रिय जनमोर्चा रुपन्देही जिल्ला समितिले आयोजना गरेको कार्यक्रममा अखिल नेपाल किसान महासंघका अध्यक्ष भैरव राज रेग्मीले किसान, मजदुर, महिलाको मुक्तिका लागि नँया जनवादि व्यवस्था ल्याउनुपर्ने र माओको बिचार पनि यहि भएकाले नेकपा (मसाल), राष्ट्रिय जनमोर्चा र यसका जनवर्गीय मोर्चाहरुले माओको बिचारलाइ मान्दै आएको बताउनु भयो ।
कार्यक्रममा वामपन्थी नेता आरसी भट्ट, आनन्द शर्मा, अखिल नेपाल वुद्विजीवि संघका सचिवालय सदस्य दुर्गानाथ खरेल, राष्ट्रिय जनमोर्चाका क्षेत्रीय कोषाध्यक्ष गणेश गौतम, अखिल नेपाल युवक संघका केन्द्रीय सदस्य हरि योगी, अखिल नेपाल महिला संघकी जिल्ला कोषाध्यक्ष लक्ष्मी कुँवर, कम्यूनिष्ठ संग्रालय नेपालका अध्यक्ष चेतनाथ आर्चाय, अखिल (छठौं)का जिल्ला अध्यक्ष सरोजमान सिंह र प्रकाश जिसी,अन्टुक रुपन्देहीका अध्यक्ष कबिराज गिरी,जातिय समता समाजका भोजराज बिकले माओको बिचारलाई किसान, मजदुर, महिला, युवा, बिद्यार्थीहरु बिच लग्नु पर्ने बताउनुभएको थियो । प्रगतिशिल पत्रकार संघका जिल्ला सदस्य टेकराज भुसाललगायतको समेत आतिथ्यता रहेको थियो ।
राजमो केन्द्रीय उपाध्यक्ष तथा जिल्ला अध्यक्ष बद्रे आलमको अध्यक्षता, जिल्ला सचिव टान बहादुर केसीको सञ्चालनमा अघि बढेको कार्यक्रममा अखिल नेपाल सुकुम्बासी संघका केन्द्रीय सदस्य हरि केसीले स्वागत मन्तब्य दिनुभएको थियो ।
