लोकेन्द्र पौडेल, दक्षिण भारत ।
मूल प्रवाह अखिल भारत नेपाली एकता समाज पुदुचेरी महिला नगर विभागको आयोजनामा प्रगतिशील तिजी कार्यक्रम सम्पन्न भएको छ ।
मूल प्रवाह दक्षिण भारत क्षेत्रीय समितिद्वारा सञ्चालित पुदुचेरी महिला विभागले आइतबार तीजी कार्यक्रम सम्पन्न गरेको हो।
जमुना शर्माको अध्यक्षतामा अघि बढेको कार्यक्रमको उद्वघाटन मूल प्रवाह का केन्द्रीय सदस्य तथा दक्षिण भारत क्षेत्रीय समितिका सचिव जनक राज पौडेलले दिप प्रज्वलन गरी गर्नुभएको थियो ।
आफ्नो उद्घाटन भाषणका क्रममा पौडेलले महिला मुक्तिका लागि मात्र नभई वर्गीय मुक्ति आन्दोलनमा सामेल भएमा मात्र देशको विकास सम्भव हुने बताउनुभयो ।
मूल प्रवाह अखिल भारत नेपाली एकता समाज केन्द्रीय सदस्य भगवती कुँवर, केन्द्रीय प्रतिनिधि चन्द्रकान्त शर्मा, केन्द्रीय परिषद सदस्य तथा दक्षिण भारत क्षेत्रीय कोषाध्यक्ष लोकेन्द्र पौडेल, क्षेत्रीय सचिवालय सदस्य तथा पुदुचेरी नगर अध्यक्ष डिल्ली प्रशाद शर्मा, क्षेत्रीय सदस्य गोविन्द शर्मा, खगेश्वर सुनारले अतिथिको आशन ग्रहण गर्नु भएको थियो ।
सोही कार्यक्रममा मूल प्रवाह अखिल भारत नेपाली एकता समाज पुदुचेरी नगर समितिद्वारा सञ्चालित उत्तर टाउन एरिया समितिको २७ औँ एरिया सम्मेलनको घोषणा केन्द्रीय प्रतिनिधि चन्द्रकान्त शर्मा ले गर्नु भएको थियो ।
नव निर्वाचित समितिलाई लोकेन्द्र पौडेल र खगेश्वर सुनारले सफल कार्यकालको शुभकामना दिनु भएको थियो ।
कार्यक्रमको सञ्चालन मूल प्रवाह अखिल भारत नेपाली एकता समाज दक्षिण भारत क्षेत्रीय सदस्य तथा महिला विभाग ईन्चार्ज विष्णु शर्माले गर्नुभएको थियो ।
