बुटवल । रुपन्देही आसपासका विभिन्न जिल्लाहरुबाट बुटवल आएर अध्ययन गर्ने विद्यार्थीहरुको भेलाले सम्बन्धित जिल्ला सम्पर्क समिति गठन गरेको छ । शनिबार अखिल (छैठौं) रुपन्देहीको आयोजनामा बागलुङ, गुल्मी, प्युठान र अर्घाखाँचीका विद्यार्थीहरुको भेला सम्पन्न भएको हो ।
शनिबार बुटवलको चाँदबारीस्थित राष्ट्रिय जनमोर्चाको कार्यलयमा संयुक्त रुपमा सम्पन्न भेलाले चाट वटै जिल्लाको छुट्टाछुट्टै सम्पर्क समिति बनाएको हो । चार जिल्लाका विद्यार्थी भेलासँगै तीज मिलन कार्यक्रमसमेत गरिएको अखिल (छैठौं) रुपन्देहीले जनाएको छ ।
भेलाले प्युठान–रुपन्देही र अर्घाखाँची–रुपन्देही सम्पर्क समिति गठन गरेको छ भने बागलुङ–रुपन्देही र गुल्मी–रुपन्देही सम्पर्क भेला आयोजक समिति गठन गरेको छ ।
यो पनि : अखिल (छैठौं) प्युठान, अर्घाखाँची–रुपन्देही सम्पर्क समितिको भेला
अखिल (छैठौं) गुल्मी–रुपन्देही सम्पर्क समितिको संयोजकमा कल्पना थापा क्षेत्री चयन हुनुभएको छ । सदस्यहरुमा लक्ष्मी भट्टराई, खगोल क्षेत्री, ईन्द्र कुमार श्रीस, ममता परियार, सचिन ढकाल, शक्ति परियार रहनुभएको छ ।
यस्तै, भेलाले बागलुङ–रुपन्देही भेला आयोजक समितिको संयोजकमा विमल खरेल चयन हुनुभएको छ । सदस्यहरूमा दिपा विश्वकर्मा, विमल पौडेल, शारदा पाण्डे, मोनिका भण्डारी, इन्द्रजित पौडेल र अस्मिता भण्डारी रहनुभएको छ ।
यसैगरी भेलाले अखिल (छैठौं) प्युठान–रुपन्देही सम्पर्क समितिको अध्यक्षमा सागरजंग क्षेत्री र अर्घाखाँची–रुपन्देही सम्पर्क समितिको अध्यक्षमा लक्ष्मण बन्जाडे चयन हुनुभएको छ ।
भेलामा अखिल (छैठौं) का महासचिव सुवास जिसि र अखिल नेपाल बुद्धिजीवी संघका केन्द्रीय सचिवालय सदस्य दुर्गानाथ खरेलले समसामयिक राजनीतिक विषय, देशको वर्तमान राजनीतिक अवस्थामा अखिल (छैठौं)ले खेलेको भूमिका, चुनावमा विद्यार्थीहरु कसरी परिचालन हुने लगायतको विषयमा प्रशिक्षण दिनुभएको थियो । कार्यक्रममा अखिल छैठौं केन्द्रीय सदस्य रिसव आचार्यले शुभकामना मन्तब्य राख्नु भएको थियो ।
कार्यक्रममा राष्ट्रिय जनमोर्चाका केन्द्रीय सदस्य रामकुमार क्षेत्री, राज प्युठान–रुपन्देही सम्पर्क समितिका कोषाध्यक्ष दीपक बस्नेत, प्रगतिशील पत्रकार संघका केन्द्रीय सदस्य शंकर प्रसाद पोख्रेल अखिल (छैठौं) का केन्द्रीय सदस्य खगेन्द्रा विष्ट, रिसव आचार्य, केशव बुढाथोकी र टेकराज भुसाल, राष्ट्रिय जनमोर्चा रुपन्देही केन्द्रीय सल्लाहकार सुरेश थापा, प्रदेश उपाध्यक्ष अध्यक्ष बद्रे आलाम, अखिल (छैठौं) का पूर्वकेन्द्रीय सदस्य लक्ष्मी बेलबासे लगायत नेताहरुको आतिथ्यता रहेको थियो।
कार्यक्रम अखिल (छैठौं) रुपन्देही जिल्ला अध्यक्ष सागर बेलबासेको अध्यक्षता, सञ्चालन जिल्ला कोषाध्यक्ष विमल खरेल र स्वागत लक्ष्मण बन्जाडेले गर्नुभएको थियो ।
