युएई । युएई नेपाली एकता समाज महिला विभाग केन्द्रीय समितिले नेपाली नारीहरूको महान पर्व हरितालिका तीजको अवसर पारेर युएईको दुबई शहरमा प्रगतिशील तीज कार्यक्रम सम्पन्न गरेको छ ।

समितिकी अध्यक्ष बिनु केसीको अध्यक्षतामा सम्पन्न उक्त कार्यक्रमलाई समितिकी सचिव नीरु शर्माले सन्चालन गर्नुभएको थियो । कार्यक्रममा आमन्त्रित अतिथिहरूको आशनग्रहण पश्चात् समितिकी कोषाध्यक्ष मिना घिमिरेले शव्दद्वारा स्वागत गर्नुभएको थियो भने रक्तिम सांस्कृतिक कलाकारहरुद्वारा गीत संगीतले स्वागत गरिएको थियो ।

कार्यक्रमका प्रमुख अतिथी युएई नेपाली एकता समाजका कार्यवाहक अध्यक्ष दिनेश थापाले कार्यक्रम सफलताको शुभकामना दिनुभएको थियो । शुभकामना दिने क्रममा उहाँले एकता समाजले प्रत्येक चाडपर्वहरुमा विशेष कार्यक्रमहरु गरेर नेपाली दाजुभाइ तथा दिदिबहिनीहरुलाई कहिले निरास नपारेको बताउनुभयो ।

साथै उहाँले यी चाडपर्वहरुले हामी नेपालीहरुको बिचमा बलियो एकता कायम राख्न र भातृत्वको भावना विकास गर्न महत्त्वपूर्ण भूमिका खेल्ने भएकोले तीजले नारीहरुको बिचमा एकता कायम गर्ने विश्वास व्यक्त गर्नुभयो ।

उहाँले देशको वर्तमान अवस्थामाथि चर्चा गर्दै देशमा आज पाँचदलीय गठबन्धनको सरकारले एमसीसी र नागरिकता विधेयक अनुमोदन गरी देशको चाभी साम्राज्यवादीहरुको हातमा बुझाएर देशप्रति इतिहासकै ठूलो गद्दारी गरेको बताउनुभयो ।

कार्यक्रमलाई विशेष अतिथि युएई नेपाली एकता समाजका संस्थापक सदस्य कृष्ण भुसाल, अन्य अतिथिहरु युएई नेपाली एकता समाजका महासचिव टिकाराम नेपाली, उपाध्यक्ष तथा आबुधाबी क्षेत्रीय अध्यक्ष अर्जुन प्रसाद उपाध्याय ,केन्द्रीय सदस्य तथा रक्तिम विभाग इन्चार्ज राम अविरल, केन्द्रीय सदस्य तथा रसल्खेमा क्षेत्रीय अध्यक्ष चुँडामणि शर्मा, केन्द्रीय सदस्य तथा उमाल्कोइन क्षेत्रीय अध्यक्ष खुमराज पौडेल, केन्द्रीय सदस्य तथा रक्तिम विभाग आबुधाबीका शोब बहादुर परियार, एकता समाजका सकृय सदस्य तथा बुद्धिजीवी कलाधर सापकोटा, बागलुङ सेवा समाजका उपाध्यक्ष हेमराज शर्मा, स्याङ्जा सेवा समजका विष्णु गैरे, प्युठान सेवा समाजका अध्यक्ष भिम सुनार, सैनामैना सेवा समाजका अध्यक्ष युवराज भट्टराई, सुदूरपश्चिम सेवा समाजका उपाध्यक्ष शिवराज तिमिल्सिनले कार्यक्रम सफताको शुभकामना दिनुभएको थियो ।

यस्तै, पत्रकार सुरेन्द्र परियार, अर्घाखाँची सेवा समाजकी उपाध्यक्ष कमला आचार्य, मूल प्रवाह अखिल भारत नेपाली एकता समाज महिला विभाग त्रिबेन्द्रम नगर समितिकी पूर्वअध्यक्ष चम्पा नेपाली, युएई नेपाली एकता समाज महिला विभाग आबुधावी क्षेत्रीय समितिकी सचिव बिना तामाङ, रक्तिम विभाग दुबईका नारायण केसी, महिला विभाग दुबई क्षेत्रीय अध्यक्ष शान्ता बेलबासे, समाजसेवी नारायण घिमिरे, व्यवसायी हरि सुनारले कार्यक्रम सफलताको शुभकामना दिनुभएको थियो ।