काठमाडौँ । अखिल नेपाल शिक्षक सङ्घले भदौ १ गतेदेखि सुरु नेपाल विद्यालय कर्मचारी परिषद्को कार्यक्रमप्रति ऐक्यबद्धता प्रकट गरेको छ ।
Advertisement
सङ्घका महासचिव चक्रपाणि पौडेलको हस्ताक्षरमा २०७९ भदौ ४ गते जारी प्रेसवक्तव्यमार्फत् आन्दोलनप्रति ऐक्यबद्धता प्रकट गरिएको हो ।
प्रेसवक्तव्यमा विद्यालयमा सबैभन्दा पहिला आउने र सबैभन्दा पछि जाने ३५ हजार विद्यालय कर्मचारीको माग सरकारले पूरा नगरेकोमा विरोध व्यक्त गरिएको छ ।
यसभन्दा पहिला पनि कर्मचारी परिषद्सित पटक पटक सरकारको सहमति भएको स्मरण गराउँदै उक्त वक्तव्यमा सो आन्दोलनका माग पूरा नगरिए त्यसले सम्पूर्ण शैक्षिक आन्दोलनको रूपधारण गर्ने चेतावनी दिइएको छ ।
त्यस्तै, आन्दोलन लम्बिँदै जाँदा त्यसबाट हुने क्षतिको जिम्मेवार स्वयम् सरकार हुने पनि वक्तव्यमा उल्लेख छ ।
यस्तो छ, प्रेसवक्तव्यको पूर्ण पाठ :
