खिमराज चालिसे, चंडिगढ ।
भारतको जालन्धरका नेपालीहरु विभिन्न संगठन परित्याग गरी मूल प्रवाह अखिल भारत नेपाली एकता समाजमा प्रवेश गरेका छन् । जालन्धर नगर समितिले नवप्रवेशीहरुलाई स्वागत गर्दै टोल समिति समेत गठन गरेको छ।
मूल प्रवाह जालन्धर नगर समितिद्वारा सञ्चालित इण्डस्ट्रियल एरिया समितिको आयोजनामा सम्पन्न प्रथम आम सभा तथा स्वागत कार्यक्रमको उद्घाटन मूल प्रवाहका केन्द्रीय सदस्य कुल बहादुर बगालेले ब्यानर खोलेर गर्नु भयो ।
उद्घाटन गर्दै बगालेले संगठनात्मक पद्धति र अनुशासनकाबारेमा प्रशिक्षण दिनुका साथै मूल प्रवाह तथा विभिन्न विभागहरुको आवश्यकताबारे प्रकाश पार्नु भएको थियो । भेलाले दुईवटा टोल समितिहरु तथा एउटा खेलकुद उप समिति गठन गरेको छ।
पन्चेबाजा टोल समिति तर्फ
अध्यक्ष नरबहादुर परियार, उपाध्यक्ष एमबहादुर बिक, सचिव राजु तिरुवा रहनुभएको छ । सदस्यहरुमा सूर्य परियार, मनु परियार (क) जीवन परियार, प्रकाश परियार, चैते परियार, मनु परियार हुनुहुन्छ ।
फोकल प्वाइन्ट टोल समिति
त्यसैगरि इण्डस्ट्रीयल एरिया समिति अन्तर्गत फोकल प्वाइन्ट टोल समिति गठन भएको छ । समितिको अध्यक्षमा खडक थापा, उपाध्यक्ष प्रेम परियार, सचिव रन्जन थापा, सहसचिव विवेक थापा र कोषाध्यक्ष हिरा देवी चयन हुनुभएको छ । सदस्यहरुमा मञ्जु परियार, कुल बहादुर सुनार, तारा क्षेत्री, सुमित्रा परियार र देवी सुनार रहनु भएको छ।
खेलकुद उप समिति
अमित विकको संयोजकत्वमा विवेक थापा, रन्जन थापा, खडक थापा, विक्रम सुनाम, राजु तिरुवा, मन्जुल सुनाम, लक्ष्मण केसी र हरि रसाइली रहनु भएको छ ।
नवनिर्वाचित समितिलाई वधाइ तथा शुभकामना दिने वक्ताहरुमा मूल प्रवाहका वैकल्पिक केन्द्रीय सदस्य धन बहादुर गोर्खाली, केन्द्रीय सल्लाहकार जितमान थापा, परिषद सदस्यहरु लक्ष्मण खड्का, शुष्मा खड्का र जमुना गाहा, महिला क्षेत्रीय विभाग सदस्य मीना बगाले, नगर सदस्य दिल बहादुर गाहा, सिटी एरिया अध्यक्ष मधुकर भण्डारी, महिला विभाग जालन्धरकि माया केसी लगाएत हुनुहुन्थ्यो ।
पन्चेबाजा सहित सम्पन्न आमभेलामा विभिन्न संगठन परित्याग गरि मूल प्रवाहमा प्रवेश गर्नु भएका कार्यकर्ताहरुलाई केन्द्रीय सदस्य कुल बहादुर बगालेले सदस्यता दिनु भएको थियो भने वैकल्पिक केन्द्रीय सदस्य धन बहादुर गोर्खालीले टीका र अबिर लगाउनुको साथै परिषद सदस्य तथा केन्द्रीय महिला विभागकी सदस्य शुष्मा खड्काले फूलमाला लगाएर स्वागत गर्नु भएको थियो ।
अमित विकको सञ्चालनमा, हिम प्रसाद सुनामको अध्यक्षता तथा चन्द्र बस्यालको स्वागतमा कार्यक्रम सम्पन्न भएको थियो ।
