खिमबहादुर विक
राष्ट्रिय जनमोर्चा नेकपा (मसाल)को वैधानिक मोर्चा भएकाले प्रष्ट नै छ उसले मसालको तत्कालीन र दीर्घकालीन योजना अनुरुप नै आफ्ना नीति तथा कार्यक्रम तय गर्दछ ।
कतिपय पार्टी, व्यक्ति वा समूहहरुले राजमोको दीर्घकालिन नीतिलाई बुझ्न सक्दैनन् वा बुझेर पनि तोडमरोड गरेर गलत प्रचार गर्दछन् । गलत प्रचार गरेपनि हाम्रो नीति वर्गसंघर्ष नै हो । नयाँ जनवादी क्रान्ती हुँदै समाजवाद र साम्यवादको लक्ष्य लिएको पार्टीले निर्वाचनलाई प्रयोग गर्नु तत्कालीन कार्यनीति मात्रै हो । तर, दीर्घकालिन रणनीति र तत्कालिन कार्यनीतिबीचको अन्तर छुट्याउन नसक्नेहरुले हाम्रो पार्टीको विरोध गर्ने गरेका छन् ।
अन्तर्राष्ट्रिय कम्युनिस्ट आन्दोलनको वर्तमान अवस्था, दक्षिण एसिया विशेष गरेर सार्क देशका कम्युनिष्टहरुको अवस्था हेर्दा अहिले कम्युनिष्ट आन्दोलन रक्षात्मक अवस्थामा छ । अझ हाम्रो देशका नामधारी कम्युनिष्ट पार्टीहरुले राष्ट्रियता, जनजीविकाको सवालमा लिएका ढुलमुल र अवसरवादी चरित्रका कारण क्मयुनिष्ट आन्दोलन धेरै नै कमजोर अवस्थामा छ । त्यसमाथि हाम्रो पार्टीको सांगठनिक स्थिती र देशको अवस्थासमेत अनुकूल नहुँदा आन्तरिक तयारीको रुपमा सडकसहित सदनको उपयोग गरी जनतालाई जागरुक बनाउनुका साथै देश र जनताविरोधी तत्वहरुलाई खबरदारी गर्न जरुरी छ ।
राष्ट्रिय जनमोर्चाको संसदीय इतिहासमा कहीँ कतै राष्ट्रियता र जनजीविकाको सवालमा चुकेको छैन । आफ्नो सामथ्र्यमा भ्याएसम्म राष्ट्रियता र लोकतन्त्रको रक्षा एवम् जनताका जनजीविकासँग सरोकार राख्ने विषयमा सडक र संसदबाट आन्दोलन गरेको छ । साम्राज्यवादी राष्ट्रहरुले नेपालको राष्ट्रियता र अखण्डताविरुद्ध गरेका हरेक क्रियाकलापविरुद्ध राजमोले सम्झौताहीन संघर्ष गरेको छ । यतिबेला राष्ट्रिय जनमोर्चा २०६२÷६३ को महान आन्दोलनबाट प्राप्त उपलब्धि गणतन्त्र र धर्मनिरक्षेपताको रक्षाका लागि उभिएको छ भने नेपाली जनताको चाहना र आवश्यकता विपरित विदेशीले जबर्जस्ती बोकाइदिएको संघीयता खारेजीका लागि दृढतापूर्वक प्रस्तुत भएको छ ।
नेपाली सार्वभौकिताविरुद्धका एमसीसी, एसपीपी र नागरिकता विधेकविरुद्ध कुनै दल आज दृढतापूर्वक उभिएको छ भने त्यो राष्ट्रिय जनमोर्चा हो । राजमोले आफ्नो सांगठनिक शक्तिअनुसार देश र जनको पक्षमा संघर्ष गर्नुका साथै जनतालाई सचेत गराउने कार्य गरिरहेको छ । यतिबेला राष्ट्रिय आवश्यकताले गठबन्धनमा हुँदाहुँदै पनि सरकार र गठबन्धनमा सामेल शक्तिहरुको गलत निर्णयको जोडदार विरोध गरिरहेको छ ।
आज कतिपय राजनैतिक पार्टी र व्यक्तिहरुले हाम्रो पार्टीलाई किन कांग्रेससँग तालमेल गरेको भन्ने प्रश्न गर्ने गरेका छन् । वामगठबन्धन गर्नुपर्नेमा कांग्रेससँग गठबन्धन गनरेको भनेर आलोचना गर्ने गरिएको छ । तर वास्स्तविकता अलि फरक छ । राजमोले केपी ओली नेतृत्वको तत्कालिन नेकपाको सरकारलाई समर्थन मात्र होइन सहयोग पनि गरेको थियो ।
विगतमा भएको नेपालमाथि भारतीय नाकबन्दी होस् वा कालापानीलगायतका क्षेत्र समेटेर चुच्चे नक्सा तयार पार्ने सवाल होस् राजमोले केपी ओलीलाई साथ दिएकै हो । तत्कालीन एमाले र माओवादी केन्द्र मिलेर बनेको नेकपालाई हाम्रो पार्टीले स्वागत गरेको थियो भने यो पार्टी विभाजन भएमा देशको राजनीतिमा नकारात्मक असर पर्न सक्ने भएकोले विभाजन हुनहुन्न भनेर सचेत गराएको थियो । तर ओलीका कारण नेकपा विभाजन मात्रै भएन, केन्द्रसहित विभिन्न प्रदेशमा नेतृत्व गुमायो । त्यसको परिणाम देशले भोगिरहेको छ ।
नेपाली सार्वभौकिताविरुद्धका एमसीसी, एसपीपी र नागरिकता विधेकविरुद्ध कुनै दल आज दृढतापूर्वक उभिएको छ भने त्यो राष्ट्रिय जनमोर्चा हो । राजमोले आफ्नो सांगठनिक शक्तिअनुसार देश र जनको पक्षमा संघर्ष गर्नुका साथै जनतालाई सचेत गराउने कार्य गरिरहेको छ । यतिबेला राष्ट्रिय आवश्यकताले गठबन्धनमा हुँदाहुँदै पनि सरकार र गठबन्धनमा सामेल शक्तिहरुको गलत निर्णयको जोडदार विरोध गरिरहेको छ ।
देशको कार्यकारी प्रमुख भएको अवस्थामा ओलीले आफ्नो सत्ता जोगाउन देशको संविधानलाई कुल्चँदै दुई दुई पटक संसद विघटन गरे, भारतीय खुफिया प्रमुखसँग शंकास्पद भेटवार्ता गरे, गणतन्त्र र धर्मनिरपेक्षताविरुद्ध रहेका शक्तिहरु भारत र राजवादीहरुसँग अनावश्यक साँठगाँठ गरे र अहिले पनि गरिरहेका छन् । त्यसकारण ओलीलाई अहिलेको अवस्थामा साथ दिनु भनेको देशलाई फेरि पनि प्रतिगमनतिर धकेल्नु हुनेछ । त्यसकारण राजमोले प्रतिगमनविरोधी शक्तिहरुसँग गठबन्धन गरेर देशको लोकतन्त्र र गणतन्त्र जोगाउन यणेगदान दिइरहेको छ ।
तर, यसो भनिरहँदा राजमोले कांग्रेस, माओवादी जस्ता शक्तिहरुलाई अन्ध समर्थन गरेको छैन, उनीहरुले देश र जनताको हितमा काम गर्छन् भन्ने विश्वास पनि छैन । त्यसकारण प्रतिगमनतर्फ देशलाई जान नदिन उनीहरुसँग एकातर्फ सहकार्य गरिरहेको छ भने अर्कोतर्फ गलत नीति र कार्यक्रमको भण्डाफोर र विरोध गरिरहेको छ ।
एउटा क्रान्तिकारी कम्युनिस्ट पार्टीले देशको आवश्यकताा अनुसार चुनाव उपयोग वा बहिष्कार गर्छ । इतिहासमा हाम्रो पार्टीले आवश्यकताका आधारमा चुनाव बहिष्कार पनि गरेको छ र उपयोग पनि गरेको छ । वास्तवमा आज राजमोको संसदमा उपस्तिथिले राष्ट्रियता र जनजीविको सवालमा आवाज उठाउने मात्र होइन, संसारभर चल्ने साम्राज्यवादीहरुका दमनको संसदबाटै विरोध गर्नेछ । गरिब, निमुखा, किसान, मजदुर दलित, प्रवासी नेपाली, विद्यार्थी सबैको बारेमा सरकारलाई खबरदारी गर्नेछ । सत्तामा सरिक पार्टीहरुका ढुलमुल, अवसरवादी र जनविरोधी कार्यको विरोधको साथै राष्ट्रियताको सवाललाई दह्रो ढंगले उठाउने छ ।
आज देशलाई संघीयताले थला पारेको छ । विदेसी ऋणमा संघीयता टिकाउनु परेको छ, त्यसका विरुद्ध राजमोले मात्रै सशक्त विरोध गरिरहेको छ । स्थानीय तहलाई थप अधिकार सम्पन्न गरि अनावश्यक प्रदेस सभा खारेजीको आवाज उठाइरहेको छ । एमसीसी, नागरिकता विधेयक जस्ता राष्ट्रघाती प्रावधानको विरोध र आन्दोलन गरिरहेको छ । भ्रष्टाचार, महंगीको विरोध गरेको छ । जनताका जनजीविकाका सवाललाई सशक्त ढंगले उठाइरहेको छ ।
राष्ट्रिय जनमोर्चाको संसदमा उपस्थितीले देशको राष्ट्रियता, लोकतन्त्र तथा जनजीविकाको सवाललाई लिएर संघर्ष गर्न थप मद्दत गर्ने छ । त्यसकारण चुनावको उपयोग र संसदमा राजमोको उपस्थितीको महत्व छ । यद्यपी चुनाव नै सबैथोक हो र संसदले जनताका आधारभूत समस्या समाधान गर्नसक्छ भन्ने भ्रममा कहिल्यै पर्नुहुँदैन । अहिलेको संसदको उपयोग र शान्तिपूर्ण संघर्षले भोलिको जनवादी आन्दोलनको आधार तयार पार्न सक्नुपर्छ ।
