काठमाडौँ । अखिल नेपाल प्रगतिशील लेखक सङ्घ (अन्पा) को आयोजनामा बालकविता वाचन कार्यक्रम सम्पन्न भएको छ । २०७९ साउन २९ गते आइतबार साँझ भर्चुअल माध्यमबाट सो कार्यक्रम सम्पन्न भएको हो ।
कार्यक्रममा समष्टि बुढामगरले “आमा”, डार्बिन कुँवरले “कोपिला हामी” गीत, आयुष्मा तिवारीले “म सानो बालक”, प्राची भट्टले “मेरी आमा” र “वर्षा”, बाबुराम आचार्यले “साना साना नानी”, गिरीप्रसाद बुढाले “नयाँ बाटो”, समीर सिंहले “जुरेली र बाटुली”, रवि पौडेलले “घाम लाग्यो”, मीन रानाले “जुनुमामा” गजल, जनक विसीले “फूलहरू” र रामदेव पाण्डेले “चेतनाको दियो” रचना वाचन गर्नुभएको थियो ।
अध्यक्ष समीर सिंहको अध्यक्षता तथा महासचिव प्रकाश थापामगरको सञ्चालनमा अघि बढेको उक्त कार्यक्रममा उपस्थित जनसमुदायलाई उपाध्यक्ष गिरीप्रसाद बुढामगरले स्वागत गर्नुभएको थियो ।
कार्यक्रममा बालसाहित्यमा समेत कलम चलाउनुभएका साहित्यकार रामदेव पाण्डेको वाचित कविताको समीक्षा गर्नुभएको थियो ।
