खिमराज चालिसे, चंडिगढ ।
मूल प्रवाह अखिल भारत नेपाली एकता समाज जालन्धर नगर समिति का पूर्वनगर अध्यक्ष मिन बहादुर बस्याललाई नगर समितिले स–सम्मान बिदाइ गरेको छ।
सन् १९९६ मा मूल प्रवाहको सदस्यता लिएर निरन्तर सक्रियतापूर्वक संगठनको कार्य गर्दै आइरहेका बस्याल मूल प्रवाह जालन्धर नगरको सचिव, अध्यक्ष तथा समताको अध्यक्षलगायतका जिम्मेवारी बहन गर्नुभएको थियो ।
सक्रियता पूर्वक काम गर्ने दौरानमा हालै सम्पन्न स्थानीय निर्वाचनमा स्वदेशमा खटिएर उम्मेदवारीसमेत दिनुभएको थियो । उहाँ प्युठान जिल्लाको प्युठान नगरपालिका–८ मा राष्ट्रिय जनमोर्चाको तर्फबाट कार्यपालिका सदस्यमा निर्विरोध निर्वाचित हुनु भएको थियो ।
बिदाइ समारोहमा बोल्दै बस्यालले आजसम्म मूल प्रवाहले दिएको जिम्मेवारी जसरी पूरा गर्दै आइ रहेको छु, स्वदेशमा पनि त्यसरी नै सक्रियता पूर्वक जिम्मेवारी निभाउने प्रतिबद्धता व्यक्त गर्नु भएको थियो ।
उहाँलाई मूल प्रवाहका केन्द्रीय सदस्य कुल बहादुर बगालेले सम्मान पत्र दिँदै १९९६ देखि संगठनमा दिएको योगदानबारे प्रकाश पार्नु भएको थियो ।
जितमान थापाको अध्यक्षतामा सम्पन्न कार्यक्रममा लक्ष्मण खड्काले सञ्चालन तथा धन बहादुर गोर्खालीले स्वागत गर्नु भएको थियो ।
