काठमाडौं । काठमाडौंको गुर्जुधारामा ट्रकको ठक्करबाट एक युवाको मृत्यु भएको छ । ठक्करबाट चन्द्रागिरी नगरपालिका–७ थानकोट, चेकपोष्ट घर भएका ४१ वर्षीय अर्जुनबहादुर केसीको मृत्यु भएको प्रहरीले जनाएको छ ।

कलंकीमा रहेको एलआरआइ स्कुलमा पढ्ने आफ्ना १० वर्षीय छोरालाई विद्यालय पुर्याउन जाँदै गर्दा नम्बर नखुलेको ट्रकले मंगलबार बिहान साढे ६ बजे उनी सवार मोटरसाइकललाई ठक्कर दिएको थियो ।

उनको घटनास्थलमै मृत्यु भएको हो । प्रहरीका अनुसार दुर्घटनामा केसीका छोरा सामान्य घाइते मात्रै भएका छन् । केसी प्रदेश ३ ०२००९ प ७६२१ नम्बरको मोटरसाइकलमा सवार थिए ।

घुर्टनापछि ट्रक भागेको छ। ट्रकको खोजी भइरहेको प्रहरीले जनाएको छ । केसीको शव पोष्टमार्टमका लागि त्रिवि शिक्षण अस्पताल लगिएको छ ।