काठमाडौं । उत्कृष्ट सात खेलाडीलाई सर्वकालीन सम्मान प्रदान गरिएको छ ।
राष्ट्रिय क्रिकेट टोलीका पुर्वकप्तान पारस खड्का, पौडीकी गौरिका सिंह, धावक जितबहादुर केसी, धावक बैकुण्ठ मानन्धर, फुटबलका राजुकाजी शाक्य, ओलम्पियन तेक्वान्दोकी संगिना वैद्य, तेक्वान्दोकै दीपक विष्ट, क्रिकेटका पूर्व कप्तान पारस खड्का र पौडीकी गौरिका सिंह सर्वकालीन सम्मानबाट सम्मानित भएका हुन् ।
हाम्रोखेलकुदडटकमले आफ्नो सातौं वार्षिकोत्सवको अवसरमा सात खेलाडीलाई सम्मान गरेको हो । सम्मानित खेलाडीलाई हाम्रो खेलकुदले जनही २५ हजार रुपैयाँसँगै सम्मान पत्र दिएको हो।
सम्मानित व्यक्तित्वलाई सांसद् गगन थापा, राष्ट्रिय खेलकुद परिषद (राखेप) का सदस्यसचिव टंकलाल घिसिङ, नेपाल ओलम्पिक कमिटिका महासचिव निलेन्द्र राज श्रेष्ठ, चाइना ट्रेडलिंक सिइओ राजन महर्जन, बेथानचोक गाँउपालिकाका निवर्तमान अध्यक्ष प्रेम बहादुर तिमिल्सिना, श्यामकृष्ण हुमागाई, नेपाल खेलकुद पत्रकार मञ्चका अध्यक्ष दुर्गानाथ सुवेदी र नेपाल राष्ट्रिय तथा अन्तर्राष्ट्रिय खेलाडी संघका अध्यक्ष दीपक श्रेष्ठले पुरस्कृत गरे।
