खिमराज चालिसे, चंडिगढ भारत ।
भारतको हरियाणा राज्यको सिरसामा करेंन्ट लागेर निधन भएका जीवनबहादुर कुमालको परिवारलाई मूल प्रवाहको पहलमा करिव पाँच
लाखको क्षतिपूर्ति दिलाउन सफल भएका छन् । मूल प्रवाहले मालिकसँग लामो वार्ता गरि दिलाउन सफल भएको हो ।
अर्घाखाँची जिल्ला पाणिनी गाउँपालिका वार्ड नम्वर ३ खिदिम देवल चौर निवासी जीवन बहादुर कुमाल वर्ष ५८ हिजो बिहान महि पार्ने मदानीबाट लागेको करेंन्टले तत्काल निधन भएको थाहा पाए पछि मूलप्रवाहको टिम घटनास्थल पुगेको थियो।
मूल प्रवाह सिरसाका अध्यक्ष अजित बुढामगरको नेतृत्वमा नगर समितिका सुरेश श्रीपाली, रवि सोनी, शंकर लाल गौतम, मानबहादुर खड्का, गोपाल सोनी, राजेन्द्र क्षेत्री, बिजय कुमार र प्रवासी सङ्घका कार्यक्रताहरू लगाएतले कोठी मालीकसँग लामो वार्ता गरि चार लाख असी हजार नगद, र मृतकका ५ जना पारिवारिक सदस्यहरू समेत जीवनको शवलाई अर्घाखाँचीसम्म पुर्याउन लाग्ने सबै प्रकारका खर्चहरु बेहोर्ने सहमती भएको सिरसा नगर सचिव गोपाल सोनीले बताउनु भएको छ ।
