टेकराज भुसाल (टेकु),बुटवल ।
बुटवलमा रहेको कालिका मानवज्ञान माध्यमिक बिद्यालयले आफ्नो ५९ औं वार्षिकोत्सब तथा अभिभावक दिवसका अवसरमा ३२ युनिट रगत संकलन गरेको छ । विद्यालयका भूतपूर्व विद्यार्थी समाजको आयोजनमा रक्तदान कार्यक्रम गरिएको थियो ।

कार्यक्रममा प्रदेश ५ का उधोग, पर्यटन, वन तथा वातावरण मन्त्री लिला गिरीको प्रमुख आतिथ्यतामा सम्पन्न भएको थियो । विद्यालयका प्राचार्य घनश्याम पाठकको बिशेष उपस्थितमा तथा ज्ञानेन्द्र प्रसाद पौडेलको संयोजनमा रक्तदान कार्यक्रम आयोजना गरिएको हो ।

विद्यालयले आफ्नो ५८ औं वार्षिकोत्सब तथा अभिभावक दिवस २०७५ देखि नै रक्तदान कार्यक्रम सञ्चालन गरेको थियो । गतवर्ष ७५ युनिट रगत संकलन भएकोमा यसपटक ३२ युनिट संकलन भएको संयोजक ज्ञानेन्द्र प्रसाद पौडेल बताए ।