तारापुर (भारत) । मूल प्रवाह अखिल भारत नेपाली एकता समाज तारापुर नगर समितिको आयोजनामा राष्ट्रघाती नागरिकता विधेयक खारेजीको माग गर्दै विरोध सभा सम्पन्न भएको छ ।
कार्यक्रमलाई सम्बोधन गर्दै मूल प्रवाहका केन्द्रीय उपाध्यक्ष प्रेम पौडेलले नागरिकता जस्तो महत्वपूर्ण दस्तावेजबारे सरकारले ठूलो राष्ट्रघात गरेको बताउनु भयो ।
‘जुन जनु बेला देशमा राष्ट्र विरोधी गतिविधि हुन्छ, त्यतित्यति बेला मूल प्रवाहले भारत प्रवासबाट खबरदरी गर्दै आएको छ’ पौडेलले भन्नुभयो, ‘‘यदि कुनै पनि शक्तिले राष्ट्रघाती कदम चाल्दछ भने त्यसको विरुद्धमा प्रतिकारका लागि देशभक्त नेपाली दाजुभाइ तथा दिदी बहिनीहरु लामवद्ध भएर स्वदेश भित्रिन सक्छौं ।’
कार्यक्रममा केन्द्रीय सदस्य टंक कुँवर, पश्चिम भारत क्षेत्रीय महिला संयोजक रेनुका कुँवर, तारापुर महिला विभागकी अध्यक्ष सुनिता पुनले पनि आतित्थ्यता तथा मन्तव्य दिनुभएको थियो । कार्यक्रममा सहिदको सम्झनामा एक मिनेट मौनधारण पछि कार्यक्रमको लोकमणि पाण्डेले स्वागत गर्नुभएको थियो ।
खडक राईको अध्यक्षताबाट अगाडि बढेको सो कार्यक्रमको सञ्चालन शान्ति थापाले गर्नुभएको थियो ।
यसैबीच नागरिकता विधेयकविरुद्ध आज (२७ जुलाई २०२२) का दिन भारतव्यापी विरोध सभा हुने समाजका महासचिव कुल बहादुर थापाले जानकारी दिनुभएको छ ।
थापाले दिनुभएको जानकारी अनुसार यही साउन ७ गते संसदबाट पारित राष्ट्रघाती नागरिकता विधेयक खारेजीका लागि दबाव दिन भारतव्यापी विरोध सभा आयोजना गरिएको हो ।
‘नागरिकता ऐनमा कैयौँ संशोधनहरू गर्नुपर्ने आवश्यकता थियो । खास गरेर नेपालको स्थिति र नेपालको सिमा तीनतिरबाट भारततिर खुला भएको र विश्व कै धेरै जनसंख्या भएका दुई देशहरुका बीचमा हाम्रो देश रहेको छ । यो अवस्थामा हाम्रो देशको नागरिकता नीतिलाई अत्यन्त कडा पार्नुपर्ने आवश्यकता थियो, तर सरकारले त्यसलाई झन्झन्खुकुलो पार्दै लैजानुले नेपालको राष्ट्रियता र सार्वभौमिकतामा समेत गम्भीर र दुर्गामी दुष्परिणामहरू हुनु अवश्वयमभावी छ’ महासचिव थापाले भन्नुभयो, ‘संसदबाट पारित नागरिकता विधेयक नेपालको राष्ट्रिय हितमाथि ध्यान दिएर होइन, विदेशी दबावमा नै नागरिकता सम्बन्धी नीतिलाई खुकुलो पार्ने काम गरिएको छ । सरकारले विदेशीहरूप्रति खुकुलोनीति अपनाउनु गम्भीर प्रकारको राष्ट्रघात नै हो ।’
