रामप्रसाद पराजुली, दोहा ।
कतार नेपाली एकता समाजले दोहामा संगठन विस्तार गरेको छ । दोहा एरिया समिति अन्तर्गत मुन्ताजा पार्कमा भएको भेलालले एकाई समिती गठन गरेको हो ।
शुक्रबार (२२ जुलाई) का दिन भएको भेलाले भोज बहादुर (कास्की) को अध्यक्षतामा ७ सदस्यीय समिति गठन गरेको हो ।
उपाध्यक्षमा मन बहादुर पौडेल (रुपन्देही), सचिव पूर्ण बहादुर बस्नेत (सुनसरी), कोषाध्यक्ष हरि न्यौपाने ( सुनसरी) चयन हुनुभएको छ । सदस्यहरुमा शिवलाल कुँवर (अर्घाखाँची), बिराज न्यौपाने (झापा), मनोज चौलागाई ( बारा) रहनुभएको छ ।
कार्यक्रममा कतार नेपाली एकता समाजका अध्यक्ष विष्णु थापा क्षेत्री र केन्द्रीय सदस्य मीनराज पुनको विशेष उपस्थिती रहेको थियो ।
नवनिर्वाचित समितिलाई बधाई दिँदै अध्यक्ष क्षेत्रीले कतारमा रहेका सम्पूर्ण नेपाली हरुको हक हितको लागि एकता समाज गठन गरिएको बताउनुभयो ।
एकता समाजले बिगतमा गरेका सामाजिक कार्यहरुमका बारेमा जानकारी दिँदै क्षेत्रीले आफ्नो परिवारको लागि हजारौँ सपनाहरु बोकेर आएका हामी नेपालीले आफ्नो परिवार र समाजको लागि केही गर्ने उदेश्यका साथ यहाँ कुनै पनि कुलतमा नफसी आफूले दुःख गरि कमाएको पैसालाई सही सदुपयोग गरि अगाडि बढ्न आग्रह गर्नुभयो ।
साथै, यहाँ रहेका सम्पूर्ण नेपालीहरुलाई कतार नेपाली एकता समाजको छातामुनि गोलबन्द हुन आग्रह गर्नुभयो ।
